მნიშვნელოვანი ინფორმაცია
31
მარტიდღის ზოგადი ასტროლოგიური პროგნოზი
სამშაბათი, მთვარის მეოთხე დღე დაიწყება 07:33-ზე, მთვარე კუროშია
კარგი დღეა ახალი საქმეების დასაწყებად. აგრეთვე დაკარგული ნივთების, ადამიანების მოსაძებნად. გააფართოეთ ბიზნესი, დაარეგულირეთ ურთიერთობა ბიზნესპარტნიორებთან. მოაგვარეთ ფინანსური საკითხები. არასასურველია უძრავი ქონებით ვაჭრობა. მოერიდეთ კამათს, საქმეების გარჩევას. კარგი დღეა სწავლისთვის, სამეცნიერო სამუშაოსთვის, გამოცდის ჩაბარება სხვა დღისთვის გადადეთ. ცუდი დღეა მოგზაურობის დასაწყებად, შორ მანძილზე მგზავრობისთვის. შეძლებისდაგვარად მოუარეთ ყვავილებს, დარგეთ ხეები, გაისეირნეთ ბუნებაში. მოერიდეთ ალკოჰოლს, სიგარეტს, კუჭის გადატვირთვას; ოპერაციების ჩატარებას კისერსა და ყელზე. რაციონიდან გამორიცხეთ პროდუქტები, რომლებიც სახამებელსა და ნახშირწყლებს შეიცავს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
თბილისის იუსტიციის სახლი აპრილში გაიხსნება
07:56 / 14-02-2014
თბილისის იუსტიციის სახლი, სავარაუდოდ, აპრილის პირველ ნახევარში გაიხსნება, - ამის შესახებ იუსტიციის მინისტრმა თეა წულუკიანმა განაცხადა, რომელმაც მოადგილესთან ერთად იუსტიციის სახლის სარეაბილიტაციო სამუშაოები დაათვალიერა.
თეა წულუკიანი და მისი მოადგილე მიხეილ სარჯველაძე სარემონტო სამუშაოების მიმდინარეობას ექსპერტებთან და სახელმწიფო სამშენებლო კომპანიის წამომადგენლებთან ერთად გაეცნენ.
წულუკიანის განცხადებით, სამუშაოების მიმდინარეობას აქვს ერთადერთი მიზანი, რაც შეიძლება სწრაფად გაიხსნას მოქალაქეებისთვის თბილისის იუსტიციის სახლის მისაღების დიდი დარბაზი.
როგორც მინისტრმა აღნიშნა, სამუშაოები უნდა იყოს ხარისხიანი, რაც გულისხმობს იმას, რომ მოქალაქეებს არანაირი საფრთხე არ დაემუქროთ.
"მოქალაქეთა დარბაზზე პირდაპირ ე.წ. ფოთოლი ჰკიდია, რომლითაც სახურავის ნაწილია გადახურული და თუ არ ვიქნებით დარწმუნებული იმაში, რომ ჩვენს მოქალაქეებს არაფერი საფრთხე დაემუქრებათ, რა თქმა უნდა, მანამდე დარბაზი ვერ გაიხსნება. მე შემიძლია ვივარაუდო, რომ აპრილის პირველ ნახევარში ჩვენ მზად ვიქნებით, რომ დარბაზი გაიხსნას", - აღნიშნა თეა წულუკიანმა და დასძინა, რომ შენობა თავის დროზე უხარისხოდ და ნაჩქარევად აშენდა.
ამჟამად, იუსტიციის სახლის სახურავის ე.წ. ფოთლის შიდა ნაწილში შედუღებითი სამუშაოები მიმდინარეობს, შენობას ემატება საყრდენი კონსტრუქციები.
როგორც სამინისტროში აცხადებენ, შიდა ნაწილი ეტაპობრივად სუფთავდება თავის დროზე სიჩქარის გამო დატოვებული სამშენებლო მასალების ნარჩენებისგან. ამასთან, ერთდროულად ხდება სახურავის დაზიანებული ნაწილის შეფუთვაც.
იუსტიციის სახლის სახურავის სარეაბილატაციო სამუშაოების შემდეგ მინისტრმა ავტოსადგომიც დაათვალიერა, სადაც სარემონტო პროცესები უკვე დასრულებულია.
თეა წულუკიანმა პარკინგის ქვედა დონეც დაათვალიერა, სადაც ამ ეტაპზე კომუნიკაციების მონტაჟი და ინფრასტრუქტურული სამუშაოები მიმდინარეობს.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები: რა ხდებოდა 2 ძლიერი მიწისძვრის დროს მიანმარში? - დაღუპულთა რაოდენობა 1 000-ს გასცდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
