მნიშვნელოვანი ინფორმაცია
4
მაისიდღის ზოგადი ასტროლოგიური პროგნოზი
კვირა, მთვარის მერვე დღე დაიწყება 11:21-ზე, მთვარე ლომშია
ახალი საქმეების დასაწყებად ნეიტრალური დღეა. დიდ დროსა და ენერგიას ითხოვს ადრე დაწყებული საქმეები. მნიშვნელოვანი გადაწყვეტილებების მიღება სხვა დღისთვის გადადეთ. კარგი დღეა უძრავ ქონებასთან დაკავშირებული საქმეების მოსაგვარებლად. კარგია მივლინების, მოგზაურობის დასაწყებად. ხშირად იმოძრავეთ, გადააადგილეთ ავეჯი, განაახლეთ ინტერიერი. სხვა დღისთვის გადადეთ ქორწინება და ნიშნობა. მოერიდეთ კუჭის გადატვირთვას, მოწევას, სმას. უმჯობესდება ფსიქოემოციური ფონი. ადამიანი უფრო ხალისიანი ხდება. კარგად გამოიძინეთ, მიიღეთ მზის აბაზანები და დიდხანს ისეირნეთ.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
რატომ ვერ იყენებს საქართველო მზის ენერგიას
23:13 / 13-02-2014
რამდენად რეალურია საქართველოში მზის ენერგიის გამოყენება და რა უშლის ხელს ამ სფეროს განვითარებას? - ამ შეკითხვებზე გვიპასუხებს საქართველოს პარლამენტის დარგობრივი ეკონომიკის თავმჯდომარის მოადგილე თემურ მაისურაძე, რომელიც ამავე დროს პარლამენტთან არსებული ინოვაციათა საბჭოს თავმჯდომარეც გახლავთ.
- ჩვენი ქვეყანა მდიდარია წყლის რესურსით, წყლის ენერგია კი ყველაზე იაფი და ხელმისაწვდომია. გარდა ამისა, მზის ენერგიის მოპოვებას აქვს მეორე მინუსიც: ამ ენერგიის მოპოვებას შეიძლება რამდენიმე ათეული კვადრატული კილომეტრის ტერიტორია დასჭირდეს, რაც ასევე უარყოფითი მხარეა. მაგრამ არსებობს ადგილები, მაგალითად, საქართველოს მთიანი რეგიონები, სადაც მზის ენერგია მართლაც ფასდაუდებელი და ძალიან მოხერხებული იქნება. მთაში დასახლებული პუნქტები ცოტაა, მოსახლეობის რაოდენობა არც ისე დიდია და იქ ძალიან კარგად შეიძლება როგორც ქარის, ასევე მზის ენერგიის გამოყენება. ეს არის ფაქტორები, რომლებიც აუცილებლად უნდა გავითვალისწინოთ: ანუ, საქართველოში არის ადგილები, სადაც მზის ენერგიის გამოყენება მართლაც ფასდაუდებელია, მაგრამ არის ადგილები, სადაც უფრო იაფი ენერგიის გამოყენება შეიძლება - მაგალითად, წყლის. ამ შემთხვევაში მზის ენერგია წყალს კონკურენციას ვერ გაუწევს. თუმცა თუ მზის ენერგიას გამოვიყენებთ, მაგალითად, წყლის გასათბობად, ეს უკვე სულ სხვა თემაა. მზის ენერგიით წყლის გამაცხელებელი - ეს არის სისტემა, რომელიც მუშაობს წლის ნებისმიერ დროს და უზრუნველყოფს ცხელი წყლის მოწოდებას 40° ტემპერატურაზეც კი. ამ სისტემის გამოყენება საშუალებას გვაძლევს დავზოგოთ ელექტროენერგია, გაზი, შეშა და ა.შ… საერთოდ, ელექტროენერგიის წარმოება მზის ენერგიის საშუალებით საკმაოდ ძვირი ჯდება, მაგრამ თუ ტექნოლოგიები გაუმჯობესდება, შეიძლება მზის ენერგიის მიღებაც გაიაფდეს და სიტუაციაც ძირეულად შეიცვალოს. ასე რომ, ეს ტექნოლოგიებისა და დროის პრობლემაა. თუ იქნება რესურსი, რომ ახალი ტექნოლოგიების წყალობით ამ ენერგიის მოპოვება გაიაფდეს, მაშინ შეიძლება ეს ძალიან მომგებიანი და კარგი დარგი გახდეს.
- კიდევ რა უპირატესობა აქვს მზის ენერგიას?
- პირველი - მზის ენერგიის მომხმარებელი აბსოლუტურად დამოუკიდებელია, ის თვითონ უვლის თავის მოწყობილობას და შესაბამისად, ზედმეტი დანახარჯები აღარა აქვს. შეიძლება რამდენიმე ოჯახი გაერთიანდეს და ერთად შეიძინოს ეს მოწყობილობა და რაც მთავარია, ამ დროს არ გვჭირდება მაღალი ძაბვის ხაზების გაყვანა, ტრანსფორმატორები და ა.შ… თუმცა, ის 5 ათასი დოლარი, რომელიც მზის ბატარეებსა და მთელი ამ დანადგარის აწყობას სჭირდება, საქართველოში ბევრ ოჯახს არა აქვს. ამიტომაც ვამბობ: ეს მომავლის სფეროა - წლების შემდეგ, თუ ახალი ტექნოლოგიები შეიქმნება და მზის ენერგიის მოპოვებაც გაიაფდება, ის აუცილებლად გახდება ერთ-ერთი საუკეთესო წყარო.
ხათუნა ჩიგოგიძე
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ხანგრძლივი ზრდის შემდეგ, თბილისში პარკირების ჯარიმები შემცირდა, თანაც თითქმის 60%-ით
კვირის კითხვადი სტატიები
მნიშვნელოვანი ინფორმაცია
მკითხველის რჩევით
