მნიშვნელოვანი ინფორმაცია
24
მარტიდღის ზოგადი ასტროლოგიური პროგნოზი
ორშაბათი, მთვარის ოცდამეხუთე დღე დაიწყება 06:11-ზე, მთვარე მერწყულში იქნება 19-19-დან
ახალ საქმეებს ნუ წამოიწყებთ, მაგრამ დაწყებულები დაასრულეთ. კარგი დღეა ვაჭრობისთვის, სასამართლო საქმეებისთვის. არასასიამოვნო დღეა კონტაქტებისთვის, აკონტროლეთ თქვენი ემოციები. არ იკამათოთ და მოერიდეთ უსიამოვნო საუბრებს. კარგი დღეა მოგზაურობის დასაწყებად, მგზავრობისათვის. სხვა დღისთვის გადადეთ ქორწინება და ნიშნობა. მოერიდეთ ალკოჰოლსა და სიგარეტს. დღის რთული ორგანოა ყურები, მოერიდეთ მათ გახვრეტას, ოპერაციას, გაწმენდას. მიირთვით ახალმომზადებული კერძი. გაამდიდრეთ რაციონი უმი ბოსტნეულით. არ დაძაბოთ და გადაღალოთ თვალები.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ყველაზე შთამბეჭდავი საზღვაო კატასტროფები
11:59 / 12-02-2014
თებერვლის დასაწყისში, საფრანგეთის სანაპიროსთან ესპანურმა სატვირთო გემმა "ლუნომ" მარცხი განიცადა. მწყობრიდან ძრავების გამოსვლის გამო, ტალღებმა გემი კლდეებზე გამორიყეს და მისი კორპუსი შუაზე გადატყდა. მსგავსი შემთხვევები ხშირია. თუმცა როგორც წესი, მცირე მსხვერპლის გამო, ისინი ნაკლებ ყურადღებას იპყრობენ. რა თქმა უნდა, თუ მომხდარმა ეკოლოგიური კატასტროფა არ გამოიწვია. მსგავსი ფაქტები ბუნების ძალის დემონსტრირებას ახდენენ.
გასული წლის 8 ნოემბრის ღამეს, ფილიპინებს ტაიფუნი "ჰაიენი" დაატყდა თავს. სტიქიამ 5 ათასზე მეტი ადამიანი იმსხვერპლა. დაზარალებულთა რიცხვმა 25,000-ს მიაღწია. ტაიფუნით გამოწვეულმა გიგანტურმა ტალღებმა ნაპირზე რამდენიმე მსხვილი გემი გამორიყა.
2012 წლის 20 იანვარს, დიდმა ტალღებმა რეიდზე მდგარი 155 მეტრის სიგრძის ფილიპინური მშრალტვირთმზიდი "აცტექ მაიდენი" ღუზიდან მოგლიჯეს და ჰოლანდიის ქალაქ ვეიკ-ან-ზეს მახლობლად სანაპიროზე გამორიყეს. 17 საათის შემდეგ სამაშველო ბუქსირებმა გემი მეჩეჩიდან მოხსნეს და ზღვაში დააბრუნეს.
იმავე წლის 29 სექტემბერს ძლიერმა შტორმმა ვალენსიის პლაჟზე ორი სატვირთო გემი - გერმანული კონტეინერმზიდი "სელია" (ფოტოზე მარცხნივ) და ტაილანდური მშრალტვირთმზიდი "სანრაიზი" გამოიტანა. მცირე შეკეთების შემდეგ, პირველი გემი ზღვაში 24 ოქტომბერს დააბრუნეს, მეორე კი - 1 ნოემბერს. მომხდარს მსხვერპლი არ მოჰყოლია.
2011 წლის 16 დეკემბერს, შტორმა დიდი ბრიტანეთის სანაპიროზე, 109 მეტრიანი გერმანული მშრალტვირთმზიდი "ბრემენი" გამორიყა. ჯერ კიდევ წყალში ყოფნისას, გემის ავზებმა გაჟონვა დაიწყეს. ეკოლოგიური კატასტროფისგან რეგიონი მაშველთა დროულმა მოქმედებამ იხსნა, რომლებმაც ზღვაში ჩაღვრილი საწვავი მალევე შეაგროვეს. თავად ხომალდის დაზიანებები იმდენად მნიშნელოვანი აღმოჩნდა, რომ მას უტილიზაცია ადგილზევე ჩაუტარდა.
იაპონიის ნაპირებთან 2011 წლის 11 მარტს, მომხდარი ძლიერი მიწისძვრით გამოწვეულმა გიგანტურმა ცუნამიმ ასობით სახლი წაიღო და დასახლებულ ადგილებში ათობით სხვადასხვა ზომის გემი გამოიტანა.
2007 წლის 8 ივნისს, დიდმა ტალღებმა ავსტრალიის სანაპიროზე 225 მეტრის სიგრძის იაპონური ბალკერი "პაშა-ბალკერ" გამორიყეს. თითქმის ერთთვიანი მუშაობის შემდეგ, ბუქსირებმა გემი ღია ზღვაში გაიყვანეს და შესაკეთებლად იაპონიაში გაუშვეს.
მოამზადა ნუკრი მგელაძემ lenta.ru-ის მიხედვით
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
"ერთა ლიგის" "პლეი ოფის" საპასუხო მატჩში საქართველოს ნაკრებმა სომხეთი ანგარიშით 6:1 დაამარცხა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
