პუტინი - გვიხარია, რომ საქართველოს ნაკრები სოჭის ოლიმპიადაზე ჩამოვიდა

ჩვენ ძალიან გვიხარია, რომ საქართველოს ნაკრები ჩამოვიდა სოჭის ოლიმპიადაზე, - ამის შესახებ რუსეთის პრეზიდენტმა, ვლადიმერ პუტინმა სოჭის მედიაცენტრში ქართველ ჟურნალისტებს განუცხადა.

მისი თქმით, ის ფიქრობს, რომ ეს არის ძალიან კარგის ნიშანი და ის შემთხვევაა, როდესაც ოლიმპიურ თამაშებს აქვს შესაძლებლობა ურთიერთობების დალაგების, მაშინაც კი, როდესაც ეს წარმოუდგენელია და ძალიან რთულია.

"თქვენ იცით, რომ დაიწყო თვითმფრინავებმა რეგულარული ფრენა თბილისიდან სოჭში. ჩვენ მივიღეთ გადაწყვეტილება, რომ ეს პრაქტიკა ოლიმპიადის შემდეგაც შენარჩუნდება. ეს უკვე პლუსია ოლიმპიური თამაშების. ოლიმპიური თამაშები დაგვეხმარება ავაწყოთ ურთიერთობები საქართველოსთან. ვუსურვებ წარმატებებს ქართველ სპორტსმენებს",-განაცხადა პუტინმა.

მისივე თქმით, ქართველი ოლიმპიელები ყოველთვის კარგად გამოდიან ზაფხულის ოლიმპიადაზე, ორთაბრძოლებში, განსაკუთრებით "ჩემს საყვარელ სპორტის სახეობაში-ძიუდოში".

"საქართველოს ნაკრები ძიუდოში მსოფლიოში ერთ-ერთი ლიდერია. ვიმედოვნებთ, რომ ქართველები აქაც წარმატებას მიაღწევენ",-განაცხადა პუტინმა. მან ქართველ სპორტსმენებს წარმატება კიდევ ერთხელ უსურვა.