7
აპრილიდღის ზოგადი ასტროლოგიური პროგნოზი
რუსული პოპ-ჯგუფი "ტატუ" ("t.A.T.u.") 7 თებერვალს სოჭში ზამთრის ოლიმპიადის გახსნაზე იმღერებს. ამის შესახებ ჯგუფის სოციალურ ქსელ Facebook-ის გვერდზეა ნათქვამი.
გამოქვეყნებული ინფორმაციის კომენტარებში სოციალური ქსელის მომხმარებლები აქტიურად განიხილავენ ჯგუფის "ლესბოსელი მოსწავლეების" იმიჯს და იმას, რომ თანამედროვე რუსეთში ეს შესაძლოა, "გეების საწინააღმდეგო" კანონს არღვევდეს.
ჯგუფი "ტატუ" პოპულარული 2000-იან წლებში გახდა. იმ დროს მისი წევრები, იულია ვოლკოვა და ლენა კატინა 14-15 წლის იყვნენ. ჯგუფის გარშემო აჟიოტაჟი გამოწვეული იყო იმით, რომ გოგონები ცნობილი იყვნენ, როგორც არატრადიციული ორიენტაციის მიმდევრები. გარდა ამისა, მომღერლები სკანდალურ განცხადებებს აკეთებდნენ და სცენაზე საცვლებით გამოდიოდნენ. 2003 წელს მათ "ევროვიზიაზე" მესამე ადგილი დაიკავეს. 2009 წლის მარტში ვოლკოვამ და კატინამ განაცხადეს, რომ სოლო კარიერის აწყობა სურდათ.
თავის დროზე პოპ-ჯგუფი მთელ მსოფლიოში დიდი პოპულარობით სარგებლობდა. მათი სადებიუტო ინგლისურენოვანი სიმღერა "All the Things She Said" ერთ-ერთი ყველაზე წარმატებული გახდა და მსოფლიოს მუსიკალურ ჩარტებს ლიდერობდა.
მომზადებულია newsru.com-ის მიხედვით.
