8
აპრილიდღის ზოგადი ასტროლოგიური პროგნოზი
რუსული ტელეკომპანია "დოჟდი" შესაძლოა ტელეეთერიდან გაქრეს. ამის მიზეზი გახდა კითხვა, რომელმაც დეპუტატების გაღიზიანება გამოიწვია. კითხვა ლენინგრადის ბლოკადას ეხებოდა. "დოჟდი" უკვე გაქრა საკაბელო ქსელიდან მოსკოვში და რუსეთის რამდენიმე რეგიონში. ინფორმაციას ამის შესახებ რუსული "ბიბისი" ავრცელებს.
სანკტ-პეტერბურგის საკანონმდებლო საბჭომ რუსეთის გენერალურ პროკურორს, იური ჩაიკას მიმართა მოთხოვნით, რომ ტელეარხ "დოჟდის" მიმართ სანქციები გამოიყენონ. დეპუტატებმა რეაგირების ყველაზე მკაცრ ზომას - არხის შესაძლო დახურვას მხარი დაუჭირეს.
"კანონის მიხედვით ჩვენი დახურვა შეუძლებელია, რადგან არცერთი კანონი არ დაგვირღვევია"- განაცხადა არხის მთავარმა რედაქტორმა მიხეილ ზიგარმა BBC-სთან ინტერვიუში.
ვლადიმერ პუტინის პრეს-მდივანმა დიმიტრი პესკოვმა ფაქტის კომენტირებისას აღნიშნა, რომ არხმა მორალურ "წითელ ზღვარს" გადააბიჯა.
"დოჟდის" კრიტიკოსები შეშფოთებულნი არიან ტელეარხის საიტზე 26 იანვარს გამოქვეყნებული გამოკითხვის გამო, რომელიც ლენინგრადის ბლოკადის 70 წლისთავს ეძღვნებოდა. კითხვა ფორმულირებული იყო შემდეგნაირად: "საჭირო იყო თუ არა ლენინგრადის დათმობა, რათა ათასობით ადამიანის სიცოცხლე გადაერჩინათ". არხმა, კითხვის ფორმულირების გამო ბოდიში უკვე მოიხადა და კითხვა საიტიდან წაშალა.
ამის მიუხედავად, ტელეარხის თანამშრომლები მიიჩნევენ, რომ არხის წინააღმდეგ დაწყებული კამპანიის ნამდვილი მიზეზი უკრაინაში მიმდინარე აქციების გაშუქება გახდა.
იხილეთ ვიდეო
