30
მარტიდღის ზოგადი ასტროლოგიური პროგნოზი
ალბათ, ყველა ქალბატონის ჩანთაში მოიპოვება თუნდაც ერთი სახის ტუჩის საცხი. დარწმუნებულნი ხართ, რომ ამ პოპულარული კოსმეტიკური პროდუქტის შესახებ ყველაფერი იცით? წარმოგიდგენთ 7 საინტერესო ფაქტს, რომელიც უნდა იცოდეთ ტუჩსაცხის გამოყენების დროს.
1. ქალი მთელი თავისი ცხოვრების მანძილზე, საშუალოდ, 4.5 კგ ტუჩის საცხს ჭამს. მამაკაცების "დოზა" უფრო მცირეა - ქალის კოცნის შედეგად, მათ უწევთ ცხოვრების მანძილზე 1.5 კგ კოსმეტიკური საშუალების ჭამა.
2. მეცნიერებმა დაადგინეს, რომ ქალები, რომლებიც ტუჩის საცხს ყოველდღიურად იყენებენ, უფრო მეტად თავდაჯერებულნი არიან, გამოირჩევიან კარგი ტანითა და ნაკლებად აქვთ ხერხემლის პრობლემები.
3. დამატენიანებელ ტუჩის საცხში უნდა შედიოდეს: კარიტეს, კაკაოს და ნუშის ზეთი. ასევე, ვარდისა და თაფლის ცვილი.
4. ორგანული ტუჩსაცხის არჩევისას ყურადღება მიაქციეთ შეფუთვას, მას უნდა ჰქონდეს წარწერა "ორგანული" ან "ბიო". ასეთი ტუჩსაცხის შემადგენლობაში მინიმუმ 85% ნატურალური ინგრედიენტებია.
5. თუკი ტუჩსაცხის გამოყენების დროს ტუჩები შრება, ღიზიანდება ან სკდება, მაშინ ამ კოსმეტიკურ საშუალებაში ბევრი ხელოვნური კომპონენტი შედის. სასურველია ასეთი ტუჩსაცხით არ ისარგებლოთ. კარგი ტუჩსაცხის შემადგენლობაში არ უნდა შედიოდეს გლიცერინი და ვაზელინი. უკიდურეს შემთხვევაში, ისინი კომპონენტების სიის ბოლოში უნდა იყოს.
6. ყველაზე სუფთად ტუჩსაცხი ინახება მაშინ, როდესაც ის მოთავსებულია საცხისთვის განკუთვნილ მრგვალ ფორმაში. ეს ტუჩსაცხის ყველაზე ჰიგიენური ფორმაა. კლასიკურ, მბრუნავ შეფუთვაში კი ბაქტერიები ადვილად აღწევს.
7. ულტრაიისფერი სხივებისგან დასაცავად უნდა გამოვიყენოთ კლასიკური, მქრქალი (გლუვი ეფექტის მქონე) და არა ბზინვარე ტუჩსაცხი. ბზინვარე ტუჩსაცხს არ შეუძლია ჩვენი დაცვა მზის სხივებისგან. სასურველია თუ აირჩევთ ტუჩის საცხს - SPF 15 მზის ფილტრით.
