კანიბალმა მუსულმანი კაცის ხორცი შეჭამა

ცენტრალური აფრიკის რესპუბლიკის დედაქალაქ ბანგიში მცხოვრებმა ოუანდა მაგლორიმ, ზედმეტსახელად "შეშლილმა ძაღლმა" მუსულმანი კაცის ხორცი ყველას თანდასწრებით, ქალაქის ცენტრში შეჭამა.

მსხვერპლი ადგილობრივებმა ლინჩის წესით გაასამართლეს. როგორც მაგლორიმ ჟურნალისტებთან განაცხადა, მან მსხვერპლს ფეხი მოგლიჯა და შეჭამა. როგორც განმარტა, ეს იყო მისი ფეხმძიმე ცოლის, მისი რძლისა და ბავშვის მკვლელობისთვის შურისძიება. მისი მტკიცებით, ამაზე მუსულმანები არიან პასუხისმგებლები.

"კარები შეამტვრიეს და ჩემი ბავშვი შუაზე გადაჭრეს. პირობა დავდე, რომ შურს ვიძიებდი", - ამბობს ის.

ოუანდა მაგლორიმ მსხვერპლი ავტობუსში შენიშნა და უკან აედევნა, გადაწყვიტა, რომ ის მუსულმანს ჰგავდა. შემდეგ დაახლოებით 20 ქრისტიანი ახალგაზრდა შეკრიბა, რომელთაც მძღოლს აიძულეს, შეეჩერებინა ავტობუსი, შემდეგ კი მუსულმანი ავტობუსიდან ძალით ჩამოათრიეს.

"ბენზინი გადავასხი, დავწვი და მისი ფეხი შევჭამე", - ამბობს ის.

სამწუხაროდ, ქვეყანაში რელიგიური კუთხით ჩადენილი საზარელი მკვლელობები ჩვეულებრივ მოვლენად იქცა. ქვეყნის პრეზიდენტი კეტრინ სამბა-პანზა ქრისტიანებსა და მუსულმანებს მოუწოდებს, შეწყვიტონ დაპირისპირება. 

მომზადებულია dailymail.co.uk-ის მიხედვით.