გაუპატიურების მცდელობისთვის ბარლდებული არასრულწლოვნის მშობლებმა საპროტესტო აქცია გამართეს
სამეგრელო-ზემო სვანეთის ოლქის პროკურატურასთან გაუპატიურების მცდელობის და ძარცვისთვის ბრალდებული, შამგონის მკიდრი არასრულწლოვნის ლ.ქ-ს ნათესავებმა და ახლობლებმა საპროტესტო აქცია გამართეს. ისინი აცხადებენ, რომ მოზარდი უდანაშაულოა და საქმე მტკიცებულებების გარეშე აღიძრა.
"შამგონა-კახათის საზღვართან, მდინარე ენგურის სიახლოვეს შეხვდნენ ერთმანეთს და უცემია ბავშვი. რატომ მოუვიდათ ჩხუბი, არ ვიცი. მათ გარდა, ამ ტერიტორიაზე არავინ ყოფილა, რომ მოწმის სახით დაკითხულიყო. არავითარი სექსუალური კონტაქტი და ძალადობა არ ყოფილა. ბრალი გაუპატიურების მცდელობისთვის წაუყენეს, თუმცა სამხარაულის ექსპერტიზამ ეს ფაქტი არ დაადასტურა. არანაირი კვალი არ არისო. ცემით კი სცემა, მაგრამ სხვა არაფერი ყოფილა. არ მეპარება ეჭვი, რომ ეს ბავშვი უდანაშაულოა", - აცხადებს არასრულწლოვნის ახლობელი ელისო ჩქოფორია.
არასრულწლოვანი ბრალდებულის ახლობლების ინფორმაციით, მოზარდმა თვითმკვლელობა სამჯერ სცადა და დღეს თბილისში ფსიქიატრიულ კლინიკაშია მოთავსებული გამოსაკვლევად. ბრალდებულის დედის, მაია გარდავას თქმით, ისინი ოლქის მთავარ პროკურორთან შეხვედრას და სამართლიანობის აღდგენას ითხოვენ.
იმერეთის გუბერნატორის ხელფასი გაორმაგდა
ორი ობლისა და ორი ბებიას შემზარავი გასაჭირი გურიაში
