პრემიერი მთავრობაში ცვლილებებს არ გეგმავს

საქართველოს პრემიერ-მინისტრი ირაკლი ღარიბაშვილი მთავარ პროკურორს უახლოეს დღეებში დაასახელებს. ამის შესახებ ღარიბაშვილმა დღეს ჟურნალისტებთან შეხვედრის დროს განაცხადა.

მისი თქმით, მიმდინარეობს კონსულტაციები და უახლოეს დღეებში მოხდება მთავარი პროკურორის დასახელება.

"რაც შეეხება მთავარ პროკურორს, ვფიქრობთ გვაქვს კონსულტაციები, კანონის მიხედვით არ ვართ შეზღუდულები, უახლოეს დღეებში მე დავასახელებ მთავარი პროკურორის კანდიდატურას", - აღნიშნა ღარიბაშვილმა.

პრემიერმა ასევე აღნიშნა, რომ საქართველო მთავრობაში არავითარი ცვლილება არ იგეგმება.

"ინტერპრესნიუსი"