მნიშვნელოვანი ინფორმაცია
22
აპრილიდღის ზოგადი ასტროლოგიური პროგნოზი
სამშაბათი, მთვარის ოცდამეოთხე დღე დაიწყება 04:49-ზე, მთვარე მერწყულშია
დღეს კარგია ახალი, მნიშვნელოვანი საქმეების დაწყება. ფინანსური საკითხების მოგვარება, ვაჭრობა. მოერიდეთ კამათს, საქმეების გარჩევას. არ გირჩევთ მგზავრობას, საცხოვრებელი მისამართის შეცვლას. სარგებელს მოგიტანთ კოლექტიური სამუშაო, მაგრამ კოლეგების მიმართ ირონიის, ცინიზმის გამოვლენას არ გირჩევთ. მოერიდეთ ალკოჰოლსა და სიგარეტს. გადადეთ ოპერაციები სახსრებზე, ბრმა ნაწლავზე, პროცედურები ფეხებზე, ნერვულ სისტემაზე. კარგი დღეა დასვენებისთვის, შიმშილისთვის. მოერიდეთ ალკოჰოლურ სასმელს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ყველაზე საშიში გზები თბილისში
00:05 / 16-01-2014
ჯერჯერობით ამინდი გვანებივრებს. თუმცა იმის თქმა, რომ თბილისში მოყინული გზები პრობლემებს არ ქმნის, არ შეიძლება. ღამე ყინვაა და ზოგიერთი გზა, სადაც მილია გახეთქილი და ან სხვა მიზეზის გამო მუდმივად სველდება, დილით მძღოლებისთვის საფრთხეს წარმოადგენს - მიდიხარ მშრალ მონაკვეთზე და უცბად, ყინულზე აღმოჩნდები. თუმცა ექსპერტები საავარიო სიტუაციების გამომწვევ მთავარ მიზეზად მიიჩნევენ არა გზებს, არამედ არაპროფესიონალ მძღოლებს. გვესაუბრება საგზაო უსაფრთხოების ექსპერტი შალვა ოგბაიძე:
- თბილისში ყინვაში ნებისმიერი აღმართი შეიძლება საშიშად ჩაითვალოს, თუკი ავტომობილს გაცვეთილი საბურავები აქვს. მაგალითისთვის კოსტავას ქუჩის უწყინარი აღმართიც გამოდგება, მოყინვის შემთხვევაში მასზე მარილი თუ არ დაიყარა, ეს ქუჩა გაუვალი გახდება. მოგეხსენებათ, თბილისში ყველგან არ არის ვაკე ადგილები და ისეთი ქუჩები, როგორიცაა პეკინი და ვაჟა ფშაველა. უმეტესად რთული რელიეფური დასახლებული პუნქტებია. აღარაფერს ვამბობ წყნეთზე, კოჯორზე, წავკისსა და ტაბახმელაზე. არანაკლები სირთულით გამოირჩევა მონტინის, ცხრა ძმის, ხუდადოვის ქუჩები და ვარაზისხევი, მაგრამ მუნიციპალურმა სამსახურებმა რაც არ უნდა კარგად იმუშაონ, თუ მძღოლს საბურავები არა აქვს წესრიგში, მინუს ერთ გრადუსზეც კი გაუჭირდება მოძრაობა. მძღოლს უნდა გააჩნდეს საჭირო უნარ-ჩვევები რთულ კლიმატურ პირობებში სიარულისთვის. საქართველოში ეს საკმაოდ მტკივნეული საკითხია. სამწუხაროდ, 1997 წლის მერე გაუქმდა მოთხოვნა, რომ მძღოლობის მსურველს აუცილებლად ავტოსკოლა უნდა გაევლო, სადაც ასწავლიდნენ თუ როგორ უნდა ემართა მძღოლს მანქანა ზამთრის პირობებში, სველ, მოყინულ გზაზე. ეს არის ცალკე ჩვევების პაკეტი, რასაც მხოლოდ თეორიული ცოდნით ვერავითარ შემთხვევაში ვერ შეითვისებ. თეორიულად შეიძლება შეისწავლო, მაგრამ თუ პრაქტიკა არ გაიარე, არაფერი გამოგივა. ბევრმა ისიც კი არ იცის, როგორ დაძრას ავტომობილი მოყინულ გზაზე.
- რამეს ხომ არ ურჩევდით ახალბედა მძღოლებს?
- აქ არის ორი ვარიანტი, პირველი - მექანიკურკოლოფიანი ავტომობილი, რაც იშვიათი ხდება ახალბედა მძღოლებისათვის და მეორე - ავტომატური კოლოფით დაძვრა. საერთოდ, ჩაჭიდება საბურავსა და გზის საფარს შორის მაქსიმალურია მაშინ, როცა ბორბალი დაბუქსავების ზღვარზეა. ძველად გამოცდილი მძღოლები ახალბედებს ურჩევდნენ, რომ მეორე სიჩქარით დაეძრათ მანქანა, ანუ მეორე სიჩქარეზე მთელი დატვირთვა ძრავაზე მოდის და თვლებს აიძულებს, ნელა იტრიალოს. რაც შეეხება ავტომატურკოლოფიან მანქანებს, მათ გააჩნიათ დაბუქსავების საწინააღმდეგო ელექტრონული მართვის დანამატი, რომელიც მძღოლის გამოუცდელობის კომპენსაციას ახდენს. მაგრამ ერთია მანქანის ტექნიკური შესაძლებლობები და მეორე ფიზიკის კანონები, რომელსაც ვერ შეეწინააღმდეგები - არის ადგილები, სადაც უბრალოდ, ვერ დაძრავ ავტომობილს, ამიტომ ასეთი ადგილების ამოცნობას მძღოლის გამოცდილება და განათლება სჭირდება. გარდა ამისა, თოვლსა და ყინვაში ავტომობილით მოძრაობისას აუცილებელია წინა საქარე მინის გამრეცხის მოწესრიგება, ავზი უნდა შევავსოთ სპეციალური სითხით, რომელიც მინიმუმ 5-7 გრადუს ყინვას გაუძლებს. ხაზგასმით ვამბობ, რომ ეს არ არის ანტიფრიზი, რომელსაც ჩვენ ძრავის გამაგრილებელ სისტემაში ვასხამთ. ეს გახლავთ სპეციალური სითხე, რომელიც არ იყინება და კარგად რეცხავს საქარე მინას.
ასევე დაგაინტერესებთ:
- თბილისის ყველაზე ძვირადღირებული უბნების რეიტინგი
- 5 ყველაზე "გაჭედილი" ადგილი თბილისში: შსს-ს ოფიციალური მონაცემები
ყოველკვირეული გაზეთი "ყველა სიახლე"
(გამოდის ოთხშაბათობით)
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ვატიკანი რომის პაპს, ფრანცისკეს ემშვიდობება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
