მნიშვნელოვანი ინფორმაცია
9
აპრილიდღის ზოგადი ასტროლოგიური პროგნოზი
ოთხშაბათი, მთვარის მეთორმეტე დღე დაიწყება 16:22-ზე, მთვარე ქალწულშია
თუ დღეს დახმარება გთხოვეს, უარი არ უთხრათ. კარგია მოწყალების გაღებაც; მოერიდეთ ახალი საქმეების დაწყებას, კამათს, ფულის ხარჯვას; ურთიერთობის გარჩევას. განსაკუთრებით შეყვარებულებმა; არავის გაუბრაზდეთ და გაანაწყენოთ. თუ დღეს ვინმეს გაებუტებით, მასთან შერიგება გაგიჭირდებათ; არ გირჩევთ მგზავრობასა და მოგზაურობის დაწყებას; კარგია მუშაობა ბაღში, საოჯახო საქმეების შესრულება კი სხვა დღისთვის გადადეთ; მოერიდეთ კუჭის გადატვირთვას. უპირატესობა მიანიჭეთ წყალს, წვენებს. შეამცირეთ ალკოჰოლისა და სიგარეტის დოზაც. კარგია სეირნობა, ბაღსა და ბოსტანში მუშაობა; ვარჯიში.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ყველაზე სასურველი მეკვლე პოლიტიკოსები
04:49 / 30-12-2013
მეკვლეობის ტრადიცია საქართველოში ოდითგანვე არსებობდა და მას საკრალურ მნიშვნელობასაც კი ანიჭებენ. ქართული ტრადიციის მიხედვით, მომავალი წლის ავკარგიანობა პირველ სტუმარზეა დამოკიდებული.
"მთელი კვირა" იმის დადგენას შეეცადა, დღევანდელი პოლიტიკოსებიდან ვის მიიჩნევენ ყველაზე ფეხბედნიერად თბილისელები. ამისათვის დედაქალაქის მასშტაბით მცირე სატელეფონო გამოკითხვა ჩატარდა, რომელშიც შემთხვევითობის პრინციპით შერჩეულმა 250-მა რესპონდენტმა მიიღო მონაწილეობა.
პირველ რიგში უნდა აღინიშნოს, რომ გამოკითხულთა 40%-სათვის პოლიტიკოსის მეკვლეობა კატეგორიულად მიუღებელი აღმოჩნდა. მათმა უმრავლესობამ კი, ვინც სხვაგვარად ფიქრობს, ყველაზე სასურველ მეკვლედ პრემიერი ირაკლი ღარიბაშვილი დაასახელა. ისინი ასეთ არჩევანს იმით ხსნიდნენ, რომ ღარიბაშვილი სამართლიანი, გაწონასწორებული და სანდომიანი პოლიტიკოსია.
პრემიერის შემდეგ გამოკითხულთა უმრავლესობამ სასურველ მეკვლედ ენერგეტიკის მინისტრი კახა კალაძე დაასახელა. ძირითადი კრიტერიუმი კი, რომლის მიხედვითაც გამოკითხულთა ნაწილი მას მეკვლედ ისურვებდა, მინისტრის მხრიდან საქმისადმი სერიოზული მიდგომაა.
თუმცა, აღსანიშნავია, რომ გამოკითხულთა უმრავლესობა ქალბატონები იყვნენ, რომლებიც ახალგაზრდა მინისტრს მისი გარეგნობის გამოც ასახელებდნენ.
"შეიძლება ითქვას, რომ კალაძე მინისტრებს შორის ყველაზე სიმპათიურია", - გვითხრა 27 წლის ქალბატონმა და აღნიშნა, რომ მინისტრებს შორის ის ასევე ყველაზე მიზანდასახულია.
"ნაციონალური მოძრაობის" ერთ-ერთ ლიდერ დავით ბაქრაძესა და თავდაცვის მინისტრ ირაკლი ალასანიას ხმების დაახლოებით თანაბარი რაოდენობა ერგო. მათ ოდნავ ჩამორჩა "ლეიბორისტთა" ლიდერი შალვა ნათელაშვილი.
ნათელაშვილს სასურველ მეკვლედ მისი განსაკუთრებული იუმორისა და ხალისის გამო ასახელებდნენ.
"მასთან ერთად საახალწლო სუფრაზე ჯდომა სახალისო იქნებოდა, ვინ იცის, რამდენ ანეკდოტს მომიყვებოდა", - გვითხრა 40 წლის მამაკაცმა.
უნდა აღინიშნოს, რომ გამოკითხულთა უმრავლესობამ მეკვლედ არცერთი პოლიტიკოსი არ ისურვა.
"ისედაც ჩემს კმაყოფაზე არიან, ჩემს ფულს ჭამენ და კიდევ სახლში მომადგეს, რომ სიმწრით ნაყიდი საჭმელი შემიჭამოს?!" - აღნიშნა ერთ-ერთმა რესპონდენტმა.
მსურველები "დემოკრატიული მოძრაობის" ლიდერ ნინო ბურჯანაძესაც აღმოაჩნდა:
"ბურჯანაძე მაინც ქალია და მისი ყველა სიტყვა მჯერა", - გვითხრა 50 წლის ქალბატონმა მანანამ.
"ბაქრაძეს ვისურვებდი, მევასება ეგ კაცი", - განსაკუთრებული ენთუზიაზმით გვითხრა ერთ-ერთმა გოგონამ, ხოლო ერთმა ახალგაზრდა ბიჭმა კი საპარლამენტო უმცირესობის ლიდერი დავით ბაქრაძე ნდობის გამო გამოარჩია - "მწამს და მჯერა მისი".
85 წლის ქალბატონმა 2014 წელს მეკვლედ ყოფილი პრეზიდენტი მიხეილ სააკაშვილი ისურვა, რადგან ყველაზე ქარიზმატულ და აღმშენებელ პრეზიდენტად მიაჩნია.
საინტერესოა, რომ პრეზიდენტ გიორგი მარგველაშვილის მეკვლეობა გამოკითხულთა მხოლოდ 2,4%-მა ისურვა.
მეკვლედ ყველაზე სასურველ პოლიტიკოსთა ათეული
1. ირაკლი ღარიბაშვილი 16% (40 ხმა)
2. კახა კალაძე 8,8% (22)
3. ირაკლი ალასანია 6,8% (17)
4. დავით ბაქრაძე 5,4 (16)
5. შალვა ნათელაშვილი 5,6 (14)
6. გიორგი მარგველაშვილი 2,4% (6)
7. დავით უსუფაშვილი 2% (5)
8. დავით სერგეენკო 1,2% (3)
9. სოზარ სუბარი 0,8% (2)
10. ნინო ბურჯანაძე 0,8% (2)
სხვა პოლიტიკოსები მეკვლედ გამოკითხულთა 6,4%-მა (16 ადამიანი) ისურვა, ხოლო რესპონდენტთა 42,8%-მა (107) განაცხადა, რომ 31 დეკემბრის ღამეს არცერთ პოლიტიკოსს არ გაუღებდა საკუთარი სახლის კარს.
გაზეთი "რეზონანსი"
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ქარიშხალი ამერიკის შეერთებულ შტატებში - უცხოური მედიების ცნობით, სტიქიურ მოვლენას, სულ მცირე, 24 ადამიანის სიცოცხლე ემსხვერპლა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
