მნიშვნელოვანი ინფორმაცია
14
აპრილიდღის ზოგადი ასტროლოგიური პროგნოზი
ორშაბათი, მთვარის მეჩვიდმეტე დღე დაიწყება 22:48-ზე, მთვარე მორიელშია
კარგი დღეა ფინანსური საკითხების მოსაგვარებლად, ახალი საქმეების დასაწყებად. ვაჭრობა, უძრავ ქონებასთან დაკავშირებული საკითხების მოგვარება. შეხვედრების, ურთიერთობისა და მხიარულების დღეა. მოერიდეთ საქმეების გარჩევას. უფროსთან კონტაქტი კარგს არაფერს მოგიტანთ. კარგი დღეა მოგზაურობის დასაწყებად, საქმიანობის, სამსახურის შესაცვლელად. კარგი დღეა ქორწინებისთვის, ნიშნობისთვის. დაუშვებელია ქირურგიული ოპერაციის ჩატარება სასქესო ორგანოებზე, მსხვილ ნაწლავზე, შარდის ბუშტზე. მატულობს ვენერიული დაავადებების რისკი. მოსალოდნელია ტრავმები, ქირურგიული ჩარევის ალბათობა.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ნოე სულაბერიძისა და ეკა სამხარაძის გოგონა "მამიკოს გამოგონებულ შოუებზე"
23:07 / 24-12-2013
ლიზი სულაბერიძე "რუსთავი 2"-ის დილის გადაცემის "დილა მშვიდობისა, საქართველოს" წამყვან ეკა სამხარაძისა და პროექტ "ცეკვავენ ვარსკვლავების" პროდიუსერ ნოე სულაბერიძის შვილია. ლიზი ხუთი წლისაა, თუმცა უკვე ნიუტონის თავისუფალი სკოლის პირველი კლასის მოსწავლეა. ვის გულშემატკივრობს "ცეკვავენ ვარსკვლავებში", რაზე ოცნებობს და რა სთხოვა თოვლის პაპას, ამას ჩვენი ინტერვიუდან შეიტყობთ.
- მალე ახალი წელი მოვა, ჰოდა, მეც ყველაზე ძალიან ნაძვის ხის ხატვა მომწონს. ერთხელ სკოლაში 15-ჯერ დავხატე, ღამე, ვარსკვლავები, ციცინათელები და ბალახი. ციცინათელები ღამე ანათებენ. ციცინათელები მხოლოდ ტელევიზორში მინახავს.
- ლიზი, ნაძვის ხის აწყობაში ვინ დაგეხმარა?
- დედიკო და ხათუნა (ლიზის დეიდა), აი ის, ქერა თმები რომ აქვს (მიმითითა) მომეხმარა ნაძვის ხის აწყობაში. წელს, თოვლის პაპას წერილი დავუწერე, უკვე წერა-კითხვა ვიცი. წერილს თოვლის პაპასთან ლამაზ კაბაში ჩაცმული ფერია წაიღებს, ის ფანჯრიდან შემოფრინდება. მოიცა, წაგიკითხავ, რა მივწერე თოვლის პაპას: "ძვირფასო თოვლის ბაბუა, მე მინდა სათამაშო ჩიჩაბელა, იყიდება მაღაზიაში. ლიზი სულაბერიძე, დიდი მადლობა". წინასწარ მადლობის გადახდა არ მინდოდა, მაგრამ ხათუნამ მითხრა, მადლობის გადახდა აუცილებელიაო. ჰოდა, მეც დავწერე. ჩიჩაბელა თოჯინაა, მოვლა და სიყვარული სჭირდება. როცა ცუდად გახდება, მაშინ ნემსი უნდა გაუკეთო.
- თოვლის პაპა და ფერიები სად ცხოვრობენ?
- თოვლის პაპა ლაპლანდიაში ცხოვრობს და ჩვენთან მარხილით მოფრინავს, თან "ჯინგლბენს" მღერის. დედიკომ ყოველწლიურ საშობაო გამოფენაზე წამიყვანა. ძალიან ლამაზი ნაძვის ხე და ყვავილი ვიყიდეთ, იქ დიდი შოკოლადის სახლი და თოვლის პაპაც ვნახე. თოვლის პაპა ახალ წელს საჩუქარს მომიტანს და ნაძვის ხესთან დამიტოვებს.
- დიდი რომ გაიზრდები, ვინ უნდა გამოხვიდე?
- სერფინგისტი.
- მამიკო რა პროფესიისაა?
- პროფესორია (პროდიუსერის მაგივრად), გამომგონებელია და იგონებს ცეკვებს, თან რაღაც შოუებს აკეთებს.
- "ცეკვავენ ვარსკვლავების" კონცერტზე ყოფილხარ?
- მამიკომ რეპეტიციაზე წამიყვანა. იქ ქეთი ხატიაშვილი ვნახე, მინდა ქეთიმ და გიორგი ბარბაქაძემ გაიმარჯვონ.
- დედიკო სად მუშაობს?
- დედიკო ტელევიზორში მუშაობს. რაღაც ამბებს უყვება ხალხს. ხანდახან მეც ვუყურებ ტელევიზორში დედას, ვაკვირდები, როგორი კაბა აცვია, თმა როგორ აქვს. ჩემი დედიკო ძალიან ლამაზია. P
- კურიერში რას ამბობენ?
- აცხადებენ, წვიმა იქნება, მზე თუ მოღრუბლული ამინდი. კიდევ ყვებიან, რა ხდება ქვეყანაში, ვინ წაიყვანეს საავადმყოფოში. ერთხელ იცი, რა გამოაცხადეს? - "რუსთავი 2-ში" ბომბი შეაგდესო. ბომბი ძალიან საშიშია, შეიძლება "ბახ" ქნას და აფეთქდეს.
- ჟურნალისტობა რატომ არ გინდა?
- ჟურნალისტები ბევრს ლაპარაკობენ, მე კიდევ ბევრი ლაპარაკი არ მიყვარს. ჟურნალისტები და პროფესორები (პროდიუსერები) ტელევიზორში მუშაობენ.
- შენი საყვარელი ზღაპარი რომელია?
- მეფეებზე, პრინცებზე და დედოფლებზე.
- მეფე ვინ არის?
- მბრძანებელი და სამეფოს მართავს.
- ახლა მეფეები მართავენ ქვეყანას?
- არა, პრეზიდენტები.
- საქართველოს პრეზიდენტი ვინ არის?
- მიშა სააკაშვილი.
- მიშა აღარ არის პრეზიდენტი, არ იცოდი, ლიზი?
- არაა. მიშა ტელევიზორში ლაპარაკობდა ხოლმე. ერთხელ მიშას სახლი დავინახე, დიდი შუშებიანი სასახლე.
- არ გინდა, პრეზიდენტი იყო?
- არა! არ მინდა ყველაფერს ვმართავდე. არც დიდი სახლი მინდა.
- რა ფერია საქართველოს დროშა?
- თეთრი. ჯვრები ახატია, საქართველოს თავისი გერბი და დროშა აქვს.
- პატრული მოგწონს?
- კი, ვინც ბანკიდან ფულს იპარავს, ცუდად იქცევა Dდა ჩხუბობს, მიყავთ ციხეში, იცით, რატომ ვფიქრობდი? ეგ სიტყვა დამავიწყდა, უნდა მეთქვა, გალია (იცინის). გალიაში ჩიტები არიან.
- კონსტიტუცია რას ნიშნავს, შენი აზრით?
- სურათების დაბეჭდვას.
- გაზეთი რა არის?
- იქ წერენ, სად რა მოხდა, ფეხბურთზეც წერენ და სხვა ამბებზეც.
- კურორტი რას ნიშნავს?
- დასასვენებლად რომ მიდიხარ, იმას. ზაფხულში ეგვიპტეში და ბათუმში ვიყავი. აქლემზე დავჯექი და ვისეირნე. აქლემს კუზი აქვს, იქ საჭმელს და წყალს ინახავს. მერე თავისი შვილისთვის, - კოზაკისთვის მიაქვს. აქლემები უდაბნოში ცხოვრობენ. იქ ჩემი მეგობარი ლიზი ქირიაც იყო. (ოთარ ქირიას შვილი) "ზაგარსაც" ვიღებდი და დამცავ კრემებსაც ვისმევდი. Aაი ასე (მაჩვენებს).
- რაზე ოცნებობ, ლიზი?
- პატარა ძაღლი მინდა მყავდეს, მაგრამ დედიკოს არ უნდა. ასე ამბობს, დიდი ეზოიანი სახლი თუ გვექნება, მაშინ ვიყიდოთო.
თეკლა ტუღუში
ყოველკვირეული გაზეთი "ყველა სიახლე"
(გამოდის ოთხშაბათობით)
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
როგორ იყოფა მეუღლეთა თანასაკუთრებაში არსებული ქონება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
