რითი ხსნის მარგველაშვილი პრეზიდენტის ხელფასის ზრდას

საქართველოს პრეზიდენტი ხელფასის ზრდას სახელმწიფოში არსებული სახელფასო ნუსხით ხსნის.

როგორც გიორგი მარგველშვილმა ჟურნალისტებს თემის კომენტირებისას განუცხადა, პრეზიდენტის ხელფასი იზრდება, რათა იგი იყოს "ადეკვატური იმ სახელფასო ნუსხისა, რომელიც სახელმწიფოში არსებობს".

საპარლამენტო უმრავლესობამ საკანონმდებლო ორგანოს მიმართა ინიციატივით, რომლის თანახმადაც პრეზიდენტის ხელფასი 9000 ლარამდე გაიზრდება. თუმცა, საკანონმდებლო ინიციატივის დამტკიცების შემთხვევაში გიორგი მარგველაშვილი ხელზე 7200 ლარს აიღებს.

"ინტერპრესნიუსი"