5
მაისიდღის ზოგადი ასტროლოგიური პროგნოზი
სამხრთ კორეის ვერფებზე ნავთობმომპოვებელი კომპანია Shell-ის დაკვეთით მშენებარე ახალი გემი Prelude FLNG, რომლის სიგრძეც 488 მეტრია, წყალში ჩაუშვეს. ბუნებრივი აირის თხევად აირში გადამამუშავებელი მცურავი პლატფორმის სიგრძე ნიუ-იორკში მდგარ ცათამბჯენ Empire State Building-ის სიმაღლეს აღემატება. დასრულების შემდეგ ახალი გემი ისტორიაში ადამიანის ხელით აგებული ყველაზე დიდი მცურავი საშუალების სახელით შევა.
ექსპლუატაციაში შესვლის შემდეგ მცურავი გიგანტი ზღვის ფსკერიდან მოპოვებულ ბუნებრივ აირს თხევადში გადაამუშავებს და ღია ზღვაშივე უკვე სხვა ტანკერებში გადატვირთავს. სრულად აღჭურვილი Prelude FLNG-ის წონა 661,400 ტონაა. წელიწადში ეს მცურავი ფაბრიკა 3,8 მლიონი ტონა ბუნებრივი აირის გადამუშავებას შესძლებს. ტანკერებში ჩატვირთვამდე, გადამუშავებული აირი Prelude FLNG-ზე არსებულ გიგანტურ რეზერვუარებში შეინახება.
ბუნებრივი აირის მოპოვება დასავლეთ ავსტრალიის სანაპიროსთან მოხდება. გემი უწყვეტლივ ამ რაიონში 25 წლის განმავლობაში დარჩება. სწორედ ამდენია ბუნებრივი აირის გადამამუშავებელი მცურავი ფაბრიკის რესურსი. მისი კონსტრუქცია ყველა კლიმატურ პირობებზეა გათვლილი, მათ შორის ძლიერ შტორმებსა და ტროპიკულ ციკლონებზე.
ზღვის ღელვისას, გემის ერთ ადგილზე გაჩერებას სპეციალური სისტემა და გიგანტური ღუზები უზრუნველყოფენ. კომპანია Shell-ის გეგმებით, Prelude FLNG-ის მშენებლობის პროცესის დასრულება და მისი მწყობრში ჩადგომა 2017 წლისთვის მოხდება.
მოამზადა ნუკრი მგელაძემ dailytechinfo.org-ის მიხედვით.
