როგორ გამოიყურება ქუთაისის აეროპორტის კოშკურა, რომელიც მსოფლიო ხუთეულშია

ქუთაისის დავით აღმაშენებლის სახელობის საერთაშორისო აეროპორტის ნავიგაციის კოშკურა მსოფლიოს უმაღლეს tower-თა ხუთეულშია. მისი სიმაღლე 55 მეტრს შეადგენს.

ქუთაისის აეროპორტის ნავიგაციის სამეთვალყურეო კოშკურა, ქუთაისის მერმა შოთა მურღულიამ დაათვალიერა და ვეტერან მფრინავებსა და აეროპორტის თანამშრომლებს ავიაციის საერთაშორისო დღეც მიულოცა. მისი თქმით, აეროპორტი აქტიურად მუშაობს, რაც ქუთაისში ტურისტების შემოდინებას უწყობს ხელს.

აეროპორტის გაუმჯობესებულ პირობებზე ვეტერანი მფრინავებიც საუბრობენ. "ჩვენს დროს სად იყო ასეთი კომფორტი. ძველი და ახალი აეროპორტი ერთმანეთისგან ისე განსხვავდება, როგორც მოსკვიჩი და მერსედესი", - ამბობს ვეტერანი მფრინავი თამაზ ჭეიშვილი.

შეგახსენებთ, რომ სიმაღლით ქუთაისის აეროპორტის სანავიგაციო კოშკურა მსოფლიო კოშკურებს შორის მეხუთე ადგილს ბანგკოკის, აბუდაბის, სტოკჰოლმის და მუმბაის აეროპორტების კოშკურების შემდეგ იკავებს.

იხილეთ ვრცლად

”ახალი გაზეთი”