მნიშვნელოვანი ინფორმაცია
4
მაისიდღის ზოგადი ასტროლოგიური პროგნოზი
კვირა, მთვარის მერვე დღე დაიწყება 11:21-ზე, მთვარე ლომშია
ახალი საქმეების დასაწყებად ნეიტრალური დღეა. დიდ დროსა და ენერგიას ითხოვს ადრე დაწყებული საქმეები. მნიშვნელოვანი გადაწყვეტილებების მიღება სხვა დღისთვის გადადეთ. კარგი დღეა უძრავ ქონებასთან დაკავშირებული საქმეების მოსაგვარებლად. კარგია მივლინების, მოგზაურობის დასაწყებად. ხშირად იმოძრავეთ, გადააადგილეთ ავეჯი, განაახლეთ ინტერიერი. სხვა დღისთვის გადადეთ ქორწინება და ნიშნობა. მოერიდეთ კუჭის გადატვირთვას, მოწევას, სმას. უმჯობესდება ფსიქოემოციური ფონი. ადამიანი უფრო ხალისიანი ხდება. კარგად გამოიძინეთ, მიიღეთ მზის აბაზანები და დიდხანს ისეირნეთ.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ხალხი უკვე ლაპარაკობს, ესენი რად ავირჩიეთო!"
03:34 / 02-12-2013
- მიხარია, რომ პრეზიდენტი ჩემს მშობლიურ ქალაქ დუშეთში ცხოვრობს, ვთხოვ, მიხედოთ დუშეთსაც და სრულიად საქართველოს, - ამბობს მსახიობი ასმათ ტყაბლაძე და მიმდინარე პროცესებს აფასებს:
- გიორგი მარგველაშვილს ახლოს არ ვიცნობ, მაგრამ ერთმანეთს მივსალმებივართ, იცის, ვინც ვარ. ძალიან მომწონს მისი მშობლები, განათლებული და პატიოსანი ადამიანები არიან. დარწმუნებული ვარ, ცუდ შვილს არ გაზრდიდნენ. ერთია მხოლოდ - მარგველაშვილის მეგობრებად ის პირები დაასახელეს, რომლებსაც გარკვეული დანაშაული აქვთ ჩადენილი, ამიტომაც რა გზით წაიყვანს მარგველაშვილი საქართველოს, ეს მაფიქრებს. პრეზიდენტს ვაფრთხილებ: რომ ჰგონია, ერთგული მეგობრები ჰყავს და მთელი სულითა და გულით არის მათთან, სწორედ ისინი აღმოჩნდებიან ყველაზე დიდი მტრები, ამიტომ დაუკვირდეს ყოველ ნაბიჯს. ხელისუფლებაში მყოფებმა არ იფიქრონ, რომ მათი უფლებები შეუზღუდავია, ყველა მოქმედებაზე პასუხს მოვთხოვთ, ფხიზლად ვართ. კარგად ვიცი, რომ რთული გზა აქვთ გასავლელი, ზოგი მოღალატისა და ქვეყნის დამაქცევარის გენეტიკით მოვიდა, მაგრამ დაძლიონ ამბიცია და ქვეყანას გამოადგნენ. სხვათა შორის, არ მეგონა, მარგველაშვილს პრეზიდენტობა თუ მოესურვებოდა, განათლებული კაცია, დარწმუნებული ვიყავი, სამეცნიერო სფეროში გააგრძელებდა მოღვაწეობას. სააკაშვილისგან არაფერი მიკვირდა, პრეზიდენტობაზე დიდი თანამდებობა რომ ყოფილიყო, ისიც მოუნდებოდა. არც ახლა მგონია, რომ საბოლოოდ წავიდა, მობრუნდება და ხალხსაც აიყოლიებს, აკი არ ეძნელებოდა არც ავტობუსის საჭესთან ჯდომა და არც ველოსიპედით რბოლა... ბევრი ამყოლიც ჰყავდა!
- ფიქრობს, რომ სამართლიანობა აღდგა?
- ჯერჯერობით ვერ ვატყობ. მგონია, რომ ღარიბაშვილი მოაგვარებს ყველაფერს, სიმპათიური ოჯახი ჰყავს. არ მომწონს, როდესაც მასზე ამბობენ, თბილისში ჩამოსულიაო. რას ჰგავს ეს, ბევრი ჩამოსული გამხდარა ნამდვილი თბილისელი და თბილისისთვის და საქართველოსთვის თავი დაუდია. მათ გვარებს ხომ არ ჩამოვთვლი, დაიწყონ ილია ჭავჭავაძიდან, კაბინეტში ყველას რომ მისი პორტრეტი უკიდია - საქმე პორტრეტში კი არ არის, ილიას გონებითა და თვალით შეხედონ მოვლენებს, უცხოელებს რომ აწყვეტინებენ ქვეყნის ბედს, რატომ მაშინ არ ახსენდებათ ილია? ფრანგები ამბობენ, ყველა გენიოსი სოფელში იბადება და პარიზში კვდებაო. ჩვენთანაც ასეა, იბადებიან სოფლებში და თბილისში კვდებიან, მათ ნიჭს ასპარეზი ამ დალოცვილ ქალაქში ეძლევა. აგერ, პრეზიდენტი დუშეთში დასახლდა, სამსახურში ყოველდღე იქიდან დადის... ძალიან კარგია, რომ რაიონში არჩია ცხოვრება, სოფელთან და გლეხებთან ახლოს.
- პრეზიდენტი თქვენს მშობლიურ სახლთან ახლოს ცხოვრობს, მეზობლებს ეკონტაქტება?
- ჩემი სახლი დუშეთის ცენტრშია, პრეზიდენტი კი ცოტა მოშორებით დასახლდა, მაღალ ადგილას, საცეცხლე კოშკთან. ზუსტად გეტყვით – შეხვალთ თუ არა დუშეთში, მარჯვნივ გამოჩნდება კოშკი, პრეზიდენტის სახლი იმის ქვემოთაა – ქვისგან ნაშენი ბელეტაჟია, აქვს მანსარდა. ჩემი სახლიდან იქამდე ფეხით ასასვლელი ბილიკია. ახლა დაცვა დააყენეს - რომ არ მოესურვებინა, მივიდოდი და ვეტყოდი, თავისი და ქვეყნის უსაფრთხოების გამო დაცვა აეყვანა. მის მეზობლებისგან ვიცი, რომ ძალიან კონტაქტურია, მაღაზიაშიც შედის და პროდუქტსაც ყიდულობს.
- ვისგან შეიძინა გიორგი მარგველაშვილმა სახლი?
- პრეზიდენტის მეზობლად ბაგრატიონები ცხოვრობენ. ადრე ეს მამულები დუშელ თავადებს ყარანგოზიშვილებს ეკუთვნოდათ, რომელთაც რევოლუციის შემდეგ ჩამოართვეს, დარჩათ მხოლოდ მცირე ტერიტორია. ეტყობა, ყარანგოზიშვილებმა აქ ცხოვრება აღარ ისურვეს და ბაგრატიონებს დაუტოვეს. აი, ეს ოჯახი აღმოჩნდა გიორგი მარგველაშვილის ნათესავი თუ ახლო მეგობარი, მათთან სტუმრად ყოფნის დროს მეზობლად მდგარი სახლი მოსწონებია და შეუძენია. პრეზიდენტს ვთხოვ, მიხედოს დუშეთს, არ დაავიწყდეს, რომ ილია ჭავჭავაძე ცხოვრობდა დუშეთში და 9 წელი სწორედ ამ გზაზე დადიოდა. ეს დიდი პასუხისმგებლობაა. ვთხოვ, რემონტი გაუკეთოს იმ სახლს, სადაც ილია ცხოვრობდა და იმ შენობასაც, სადაც მუშაობდა (სხვათა შორის, როდესაც ილია ჭავჭავაძე სახლიდან სამსახურში მიდიოდა, ჩემი სახლისთვის უნდა ჩაევლო. ბედად, თბილისშიც და დუშეთშიც ილია ჭავჭავაძის გამზირზე ვცხოვრობ).
- რა სიახლეა თქვენს საქმიანობაში, როგორც მცირე მეწარმეს, დაგიწესდათ თუ არა შეღავათები?
- არავითარი. მსხვილ მეწარმეებს საშუალება მიეცათ, ქვეყნის გარეთ გაიტანონ კიდევ უფრო მეტი პროდუქცია, მაგრამ ჩვენ რთულ სიტუაციაში დავრჩით, ძალიან დიდია გადასახადები, მომხმარებელმა იკლო, ხალხი უმუშევარია. გადახედონ ტარიფებს, ნაგავზე ძალიან დიდი გადასახადია, ჩემს შემთხვევაში (ბარს ვამუშავებ), მაგიდასთან დადგმულ ყოველ სკამზე მომდის გადასახადი. დღეები გადის და ამ სკამებს არავინ იკავებს, გადასახადს კი დიდს ვიხდი. დაგვიბარონ და გავაცნობთ სიტუაციას, მუშტების რტყმა და მუქარა – თუ არ გადაიხდით, დაგხურავთო - არ შეიძლება. ნაგვის ფული თუ არ გადაიხადე, დენს ისევ თიშავენ, ამ მხრივ არაფერი შეცვლილა, ამ საკითხებზე არავინ მუშაობს, პარლამენტიც უმოქმედოა. რამდენჯერ შემინიშნავს, სხდომაზე ან სძინავთ, ან მობილურში იყურებიან. თუ საქმეს არ გააკეთებენ, არ ვაპატიებთ. ხალხი უკვე ლაპარაკობს, ესენი რად ავირჩიეთო! სოფელი ცუდ დღეშია, ლტოლვილებს ქალაქში კი ნუ ასახლებენ, მიწა მისცენ, მოსავალი რომ მოიყვანონ.
- რას ითხოვთ ახალი მთავრობისგან?
- მძღოლებს ძალიან დიდ ჯარიმებს აკისრებენ. ბიუჯეტი შესავსები აქვთ და ისევ ჩემი თანხებით უნდათ შევსება? სახელმწიფოვ, მე რომ მთხოვ, რაღაც შენც მოიფიქრე, ქარხნები და ფაბრიკები ააშენე. მე კი ნუ დამდევ და მეტრაბახები, ბიუჯეტი შევავსეო, რით შეავსე, ჩემით?
ამასწინათ 100 ლარი გადავიხადე, სანაპიროზე 15 კილომეტრი სიჩქარით მეტი გამივლია. მესიჯი მომივიდა. იქნებ ვერ წავიკითხე ეს მესიჯი, უნდა დამსაჯო და ხუთმაგი გადამახდევინო?
თუ დაეჭვდი, რამდენად სწორად გამოგიწერეს ჯარიმა, იმდენს იწვალებ, გაიყიდები და ისევ ჯარიმის გადახდას ირჩევ. ამასწინათ სახლს რომ მივუახლოვდი, მანქანაში ღვედი მოვიხსენი, პატრული შემეფეთა და 50 ლარით დამაჯარიმა. არ უნდა დამთავრდეს ამგვარად ხალხისთვის სულის ამოხდა? როცა 150 ლარზე მეტ პენსიას ვერ აძლევ, ხალხს ვერ ასაქმებ, ვალი მე უნდა დამაკისრო? აქვე ვიტყვი, ძალიან მაწუხებს მაწანწალა ძაღლები, ხალხს ფული არა აქვს, რომ კბენის შემთხვევაში ცოფის საწინააღმდეგო ვაქცინა შეიძინოს, ცოფით უნდა დაავადდნენ? ცხვირ-პირს ამოვუნაყავდი იმათაც, ვინც მოვლილ ძაღლს ქუჩაში ასეირნებს და ფეკალიებს ტოვებს. ხმამაღლა ვამბობ, ეს ხალხი დააჯარიმეთ! გამოიკვლიონ მშენებლობების საკითხი, ჩემს სახლთან 25-სართულიანი სახლის საძირკველი ამოთხარეს, მიწა დაიძრა და მეზობელს კედელი ჩამოენგრა, მარტო კახა კუკავა მოვიდა, მთავრობას არ ეკადრებოდა?
- ბიძინა ივანიშვილი უნდა წასულიყო თუ არა პრემიერის პოსტიდან?
- იგრძნო, რომ წასასვლელი იყო. ჩვენ ხომ არ ვიცით, ბიზნესში საქმე როგორ ჰქონდა, მიჩვეულია მილიარდებს, უცებ რომ შეუჩერდეს შემოსავალი? მე ცოტა ნაწყენი ვიყავი, მის ფონდს ძალიან გაჭირვებული მსახიობების დახმარებისთვის მივმართე (5-6 ადამიანისთვის), მაგრამ არ დაეხმარნენ, პირადად ირაკლი ღარიბაშვილმა მითხრა უარი, ისევ იმათ მისცეს ფული, ვისაც ისედაც ჰქონდათ. მგონია, ბიძინა ივანიშვილს ოთარ მეღვინეთუხუცესი იმდენად უყვარდა, იცოდა, მისი მოწინააღმდეგე რომ ვიყავი და ჩემი აზრი აღარ აინტერესებდა. საბედნიეროდ, ჩემი განცხადების საფუძველზე ორ მსახიობს – მედეა ბიბილეიშვილსა და მერაბ თაბუკაშვილს დაენიშნათ დახმარება (მედეა გარდაიცვალა). ბევრი გაჭირვებული მსხაიობია, კარგი იქნება, თუ დაინტერესდებიან და საშიმშილოდ არ გაიმეტებენ.
ესაუბრა
ქეთევან ხამიცაშვილი
გაზეთი "ასავალ-დასავალი"
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ხანგრძლივი ზრდის შემდეგ, თბილისში პარკირების ჯარიმები შემცირდა, თანაც თითქმის 60%-ით
კვირის კითხვადი სტატიები
მნიშვნელოვანი ინფორმაცია
მკითხველის რჩევით
