"ზუგდიდი" და "ლაზიკა" სასულიერო პირებმა დალოცეს

გიორგობის ბრწყინვალე დღესასწაულთან დაკავშირებით, საფეხბურთო კლუბ "ზუგდიდის" და "ლაზიკას" ფეხბურთელები, ადმინისტრაციის თანამშრომლები და მწვრთნელები, "ბაიას" ბაზაზე ზუგდიდისა და ცაიშის მიტროპოლიტმა გერასიმემ, ამავე ეპარქიის სასულიერო პირებთან ერთად დალოცა.

ეპარქიის მღვდელმთავარმა "ზუგდიდს" საჩუქრად ღვთისმშობლის სამოსლის ასლი გადასცა, ფეხბურთელებს, მწვრთნელებს და ადმინისტრაციას კი სანთლები და ხატები დაურიგა, მათ შორის ივერთა მონასტერში ათონელი ბერების მიერ დაწერილი ზუგდიდის ივერიის ყოვლადწმინდა ღვთისმშობლის ხატი.

livepress.ge