მნიშვნელოვანი ინფორმაცია
5
მაისიდღის ზოგადი ასტროლოგიური პროგნოზი
ორშაბათი, მთვარის მეცხრე დღე დაიწყება 12:42-ზე, მთვარე ქალწულს ესტუმრება 23:42-ზე
რთული და დაძაბული დღეა. არ მოატყუოთ გარშემო მყოფები და არც თავად მოტყუვდეთ. არ წამოიწყოთ ახალი საქმეები. მოერიდეთ ვაჭრობას, ურთიერთობის გარჩევას. ცუდი დღეა საქმეების გარჩევისთვის. შესაძლოა, სამუდამოდ დაკარგოთ ადამიანი. არასასურველია სამსახურის, საქმიანობის შეცვლა. კარგი დღეა შორეული მგზავრობის დასაწყებად. აქტიურად დაისვენეთ, ივარჯიშეთ. შეასრულეთ საოჯახო საქმეები, გადააადგილეთ ავეჯი, კარგია მუშაობა მიწასთან. ქორწინება და ნიშნობა სხვა დღისთვის გადადეთ. კარგი დღეა ორგანიზმის გასაწმენდად, წიდებისგან გათავისუფლება. ალკოჰოლსა და სასმელს დღეს საერთოდ ნუ მიიღებთ. აგრეთვე მოერიდეთ კუჭის გადატვირთვას.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ტაქსი მამლის დასაკლავად გამოიძახეს
23:17 / 21-11-2013
ალბათ ბევრს შეგხვედრიათ ენაწყლიანი ტაქსისტი და ბევრიც გიცინიათ მის მხიარულ თავგადასავლებზე. თავგადასავლები კი იცოცხლეთ, უცნაური და ახირებული კლიენტების გამო, მათ ნამდვილად არ აკლიათ. ტაქსის მძღოლებმა რამდენიმე ასეთი ისტორია "ყველა სიახლესაც" უამბეს, რომელსაც უცვლელად გთავაზობთ.
გელა: საბურთალოზე ჩავისვი კლიენტები და გლდანში უნდა წამეყვანა. რძალ-დედამთილი აღმოჩნდა. თავიდანვე ისე უბღვერდნენ ერთმანეთს, მაშინვე მივხვდი, რომ მათ შორის რაღაც ხდებოდა. ხუთი წუთი არ იყო გასული, ჯერ კამათი დაიწყეს, მერე კი ისე დასცხეს ერთმანეთს, სანამ მანქანის გაჩერება და მათი გაშველება მოვახერხე, ერთმანეთის კარგად დალილავება მოასწრეს. ბოლოს, როგორც იქნა, დამშვიდდნენ და ისევ ერთად ჩასხდნენ მანქანაში. ადგილზე რომ მივიყვანე, ახლა იმაზე დაიწყეს ჩხუბი, არა შენ გადაიხადე, არა შენო. სანამ ისევ სწვდებოდნენ ერთმანეთს თმაში, შევთავაზე, ნახევარ-ნახევარი გადაეხადათ. თან შემეშინდა, მეც არ წამაყარონ-მეთქი. ჩხუბს კიდევ ვინ ჩივის, ჩემი მანქანის უკანა სავარძელი რისი მოწმე აღარ გამხდარა (იცინის).
ზაზა: ერთ ჩემს მეგობარ ტაქსისტს ისეთი ამბავი გადახდა, დღემდე მეცინება. გამოძახებაზე მისულს მოხუცი ქალბატონი მამლით ხელში დახვდა და მისი დაკვლა მოსთხოვა. ქალბატონო, მე ტაქსისტი ვარ, გამოძახებაზე მოვედი და არა მამლის დასაკლავადო. ის ქალბატონი კი დაემუქრა - მამლის დასაკლავად გამოგიძახეთ და თუ არ დამიკლავთ, გამოძახების ფულსაც არ გადაგიხდითო. იფიქრა, საწვავი ტყუილად დავწვი და ეს ფულიც არ დავკარგოო და დიდი ვაი-ვაგლახით მამალს თავი წააცალა, თუმცა მაინც ხელცარიელი გამობრუნდა. იმ ქალს აქეთ გაულანძღავს, კისერი ძირში რატომ წააჭერი, მამლის კისრის გაფუჭების გამო, გამოძახების ფულს აღარ მოგცემო. კაცი რომ ყოფილიყო, კაცურად "მოუგვარებდა" ან რამე სხვა გზას მიმართავდა, მაგრამ ქალისთვის რა ექნა, თანაც მოხუცისთვის, საწყალი, ასე ხელცარიელი გამობრუნდა, თუმცა მთელი წლის სამყოფი სახუმარო ამბავი დაგვრჩა.
ლევანი: ერთხელ ერთი მთვრალი კლიენტი საკუთარ ცოლს აგდებდა ტაქსიდან - შენ ვინღა ხარ, ჩემთან ერთად როგორ აღმოჩნდი ტაქსიში, ჩქარა გადადი მანქანიდანო. ქალმა რა აღარ უთხრა, თუმცა ვერაფრით დააჯერა, რომ მისი ცოლი იყო. მაგრამ ისე მწარედ ემუქრებოდა, ჯერ გამოფხიზლდიო, მის ადგილზე გამოფხიზლებას არავის ვუსურვებდი.
რამდენიმე თვის წინ ერთი კაცი ჩამიჯდა, ძალიან იყო გაბრაზებული, სიდედრს გაუმწარებია. იმდენი იწუწუნა და ისეთი რამეები მოყვა, შემეცოდა, მეც გული გადავუშალე და ჩემი სიდედრის ამბები მოვუყევი. ბოლოს ერთმანეთს გამოვეცნაურეთ და ბედი არ გინდა?! ჩემი სიდედრის ნათესავი აღმოჩნდა.
კახა: "თბილისობა" დღე იყო. დილით ცისფერ პერანგსა და თეთრ შარვალში გამოვეწყვე და სატაქსაოდ გამოპრანჭული გავედი, რომ საღამოს ძმაკაცებთან ერთად პირდაპირ საქეიფოდ წავსულიყავი. შუადღე იქნებოდა, მშრალ ხიდთან ერთმა ბიჭმა გამაჩერა. ფასზე მოვრიგდით და სანამ მანქანაში ჩაჯდებოდა, პილპილით სავსე პატარა ტომარა ისე დაახეთქა, რომ მანქანაში პილპილის ბუღი დადგა და ცემინება ამიტყდა. კი გავაპროტესტე, მაგრამ რაღას ვიზამდი. ნავთლუღის ბაზარში უნდა გამეყვანა. ადგილზე რომ მივედით, ჯიბეები მოიჩხრიკა, ჩემს გვერდით სავარძელზე საფასურის ნახევარი მომიგდო და წავიდა. გავბრაზდი, მანქანიდან გადმოვედი და გავეკიდე. რომ მივუახლოვდი, უცებ ტომარაში ხელი ჩაყო და მუჭით პილპილის "ბომბები" დამიშინა, მერე კი გაიქცა. პილპილი თვალებში შემეყარა და ისეთ დღეში ჩავვარდი, თავბედს ვიწყევლიდი. ვეღარც "თბილისობაზე" საქეიფოდ წავედი და ვეღაც ვიმუშავე... ერთხელ კიდევ ქალბატონმა გამაჩერა, კარი გამოაღო და ფასზე მომირიგდა, როგორც კი კარი დაიხურა, მანქანა დავძარი. საკმაოდ დიდი მანძილი მქონდა გავლილი, სარკეში გავხედე, ზუსტი მისამართი უნდა მეკითხა და რას ვხედავ: არავინ ზის. მეგონა, ის ქალი მანქანაში ჩაჯდა და ისე წამოვედი, თურმე ქუჩაში დამიტოვებია. ალბათ ან გიჟი ვეგონე, ან კარგა მაგრად მომაწყევლა.
მარი ონეზაშვილი
ყოველკვირეული გაზეთი "ყველა სიახლე"
(გამოდის ოთხშაბათობით)
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ხანგრძლივი ზრდის შემდეგ, თბილისში პარკირების ჯარიმები შემცირდა, თანაც თითქმის 60%-ით
კვირის კითხვადი სტატიები
მნიშვნელოვანი ინფორმაცია
მკითხველის რჩევით
