1
აპრილიდღის ზოგადი ასტროლოგიური პროგნოზი
გაურიგდა თუ არა "ქართული ოცნება" "ნაციონალურ მოძრაობას", ამ საკითხთან დაკავშირებით, ტელე/რადიო "პალიტრის" გადაცემა "რეზიუმეს" ეთერში უმრავლესობის წარმომადგენელმა, დავით საგანელიძემ განმარტება გააკეთა.
მისი განცხადებით, ნინო ბურჯანაძის განცხადება იმასთან დაკავშირებით, რომ "ოცნება" და "ნაციონალები" გარიგდნენ, აბსურდია. თუმცა საპრაზიდენტო არჩევნებში ამომრჩეველთა ხმის ათი პროცენტის მოპოვებას ულოცავს.
"ის რომ ნინო ბურჯანაძემ ნოლიდან შეძლო რადიკალური ელექტორატის 10 პროცენტის აკრეფა საქართველოში, ეს მისთვის მისალოცია. მაგრამ ის, რომ ათ პროცენტზე მეტი ვერ აიღო, ამას სხვას ნუ დააბრალებს. ერთი ფაქტი დადოს, რომ ჩვენ ვინმესთან გავრიგდით.
ქალბატონი ნინო ბურჯანაძე წლების განმავლობაში, შევარდნაძის დროიდან იყო იმ პოლიტიკურ ძალაში, როდესაც ასეთი რამ ხდებოდა. შევარდნაძე-ასლან აბაშიძეს, "ნაციონალებსა" და მის სატელიტ პარტიებს შორის იყო გარიგება, ამდენი პროცენტი შენ, ამდენი მე და ამიტომაც არის, რომ ქალბატონ ნინოს ჰგონია, რასაც მუდმივად აკეთებდა ის პოლიტიკური ძალა, სადაც თვითონ იყო ერთ-ერთი გამორჩეული ლიდერი, რომ ეს არის წესი და ასე უნდა იყოს. - არა, ქალბატონო ნინო, ეს არ მომხდარა. ძალიან გთხოვთ, ჩავხედოთ ბიოგრაფიებს და შესაბამისად მერე ვისაუბროთ, ვინ ვის გაურიგდა. უბრალოდ, ცხოვრების სტილი, რომელიც წლების განმავლობაში არსებობდა, მიგაჩნიათ, რომ სხვისთვის შეიძლება ეს სტილი იყოს ბუნებრივი." -განაცხადა დავით საგანელიძემ.
