მნიშვნელოვანი ინფორმაცია
22
აპრილიდღის ზოგადი ასტროლოგიური პროგნოზი
სამშაბათი, მთვარის ოცდამეოთხე დღე დაიწყება 04:49-ზე, მთვარე მერწყულშია
დღეს კარგია ახალი, მნიშვნელოვანი საქმეების დაწყება. ფინანსური საკითხების მოგვარება, ვაჭრობა. მოერიდეთ კამათს, საქმეების გარჩევას. არ გირჩევთ მგზავრობას, საცხოვრებელი მისამართის შეცვლას. სარგებელს მოგიტანთ კოლექტიური სამუშაო, მაგრამ კოლეგების მიმართ ირონიის, ცინიზმის გამოვლენას არ გირჩევთ. მოერიდეთ ალკოჰოლსა და სიგარეტს. გადადეთ ოპერაციები სახსრებზე, ბრმა ნაწლავზე, პროცედურები ფეხებზე, ნერვულ სისტემაზე. კარგი დღეა დასვენებისთვის, შიმშილისთვის. მოერიდეთ ალკოჰოლურ სასმელს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ბიძინა ივანიშვილი 25 ნოემბრამდე წავა"
00:00 / 11-10-2013
ბიძინა ივანიშვილი, ფაქტობრივად, პირველი მაღალჩინოსანია, რომელიც არღვევს ქართველი პოლიტიკოსების "ტრადიციას" და თანამდებობას საკუთარი ნებით ტოვებს. კონსტიტუციით გაწერილი პროცედურების თანახმად, კონკრეტულად როდის დაგვიქნევს ხელს პრემიერი, ამას იურისტი და კონსტიტუციონალისტი ავთანდილ დემეტრაშვილი განმარტავს:
- პროცედურების თანახმად, პრეზიდენტი არჩევიდან 20 დღეში ფიცს დებს და იმ წუთიდან საქართველოს მთავრობა იხსნის უფლებამოსილებას. პრეზიდენტი ავალებს ამავე მთავრობას მოვალეობის შესრულებას, ანუ ბიძინა ივანიშვილი ჯერ არის პრემიერ-მინისტრი და მთავრობაც იგივეა. შემდეგ იწყება ახალი მთავრობის ფორმირება, რაც შემდეგნაირად ხდება: ბოლო საპარლამენტო, ანუ 2012 წლის 1-ლი ოქტომბრის არჩევნებში საუკეთესო საარჩევნო შედეგის სუბიექტი სთავაზობს პრეზიდენტს, წამოაყენოს პრემიერ-მინისტრობის კანდიდატი (მან შეიძლება დაასახელოს ბიძინა ივანიშვილი, ან სხვა). ამ მომენტიდან უკვე იწყება პრემიერის გადაყენების, ანუ წასვლის პროცედურა, თუ, რა თქმა უნდა, იგი აპირებს პოლიტიკიდან წასვლას. ამის შემდეგ, ეს ახალი (ან ძველი) კანდიდატი აყალიბებს მთავრობის მთელ შემადგენლობას, რომელიც ადგენს სამთავრობო პროგრამას და მიდის პარლამენტში ნდობის მისაღებად. თუ პარლამენტმა მთავრობას ნდობა გამოუცხადა, ის დანიშნულად ითვლება და ამ შემთხვევაში პრეზიდენტი ფორმალურად გააფორმებს მის დანიშვნას. ბიძინა ივანიშვილი თუ წასვლას ახლავე აპირებს, ეს იმ მომენტში მოხდება, როდესაც კოალიცია დაასახელებს ახალ პრემიერ-მინისტრს. ამ პროცედურას დაახლოებით ორი კვირა სჭირდება იმ შემთხვევაში, თუ არსებობს რაღაც წინააღმდეგობები (არადა, ამის მოგვარება ერთ კვირაშიც შეიძლება). წესით და რიგით, ბიძინა ივანიშვილი პრეზიდენტის ფიცის დადებიდან ორ კვირაში წავა. ამბობდნენ, არჩევნების შემდეგო, მაგრამ ეს არჩევნების შემდეგ შეიძლება იყოს წლის ბოლო. ვინაიდან ასეთი პროცედურაა გათვალისწინებული, თამაშს ხომ არ დაიწყებენ? ეს ხომ პოლიტიკური თამაში გამოვა, ანუ ჯერ პრემიერ-მინისტრად აირჩევენ ისევ, მერე რაღაცა დრო გავა და გადადგება და ისევ უნდა დაიწყოს ახალი მთავრობის ფორმირება? მე მაინც მგონია, რომ ივანიშვილი პრეზიდენტის ფიცის დადებიდან ორი კვირის ვადაში წავა - პირველი ტური თუ იქნა, ეს დაახლოებით თვის ბოლოს, 20-დან 25 ნოემბრამდე უწევს.
ნანა ფიცხელაური
ყოველკვირეული გაზეთი "ყველა სიახლე"
(გამოდის ოთხშაბათობით)
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
სააღდგომო ეპისტოლე
კვირის კითხვადი სტატიები
მნიშვნელოვანი ინფორმაცია
მკითხველის რჩევით
