6
აპრილიდღის ზოგადი ასტროლოგიური პროგნოზი
ახალციხის მუნიციპალიტეტის ქალაქ ვალეს, ე.წ მეორე შახტის დასახლებაში ძირითადად ორსართულიანი ბარაკები დგას. ადგილობრივების თქმით, შენობები კომუნისტების დროს, მაშინ აშენდა, როცა ვალეში დასაქმებულ მეშახტეებს საცხოვრებელი ფართი გამოუყეს.
უსტატუსო და უპატრონო დასახლებას უამრავი პრობლემა აქვს. მრავალწლიანი შენობები უკვე ამორტიზებული, სახურავები გამოსაცვლელი და კედლები ჩამონგრეულია. წვიმის დროს სახურავებიდან საცხოვრებლებში ჩასულ წყალს, შენობებს შორის ჩამომდინარი ხევის ადიდებაც ემატება, რის გამოც სახლები და ეზოები იტბორება.
ადგილობრივები ამბობენ, რომ მთავრობას მეორე შახტა მხოლოდ წინასაარჩევნოდ ახსენდება. დასახლებას მხოლოდ ამ დროს სტუმრობენ, თუმცა, ვიზიტები დაპირებებს არ ცდება... დაპირებები დაპირებად რჩება, პრობლემები კი არასოდეს გვარდება.
"შარშან ქარი და სეტყვა რომ იყო, ყველას დაეხმარნენ, მაგრამ ჩვენთან არც მაშინ გაკეთებულა რამე. უპატრონოა ჩვენი მეორე შახტა, ყველამ კარგად იცის რა მდგომარეობაა, გამგეობიდანაც იყვნენ, ტელევიზიებიც, მაგრამ რა აზრი აქვს. არჩევნებზე ხმას არავის მივცემთ, ვიდრე სახურავს არ გაგვიკეთებენ", - ამბობს სუსანა კობელიანი.
ადგილობრივები ამბობენ, რომ თუ მთავრობა ყურადღებას არ მიაქცევთ, არჩევნებში მონაწილეობას არ მიიღებენ.
