მნიშვნელოვანი ინფორმაცია
5
მაისიდღის ზოგადი ასტროლოგიური პროგნოზი
ორშაბათი, მთვარის მეცხრე დღე დაიწყება 12:42-ზე, მთვარე ქალწულს ესტუმრება 23:42-ზე
რთული და დაძაბული დღეა. არ მოატყუოთ გარშემო მყოფები და არც თავად მოტყუვდეთ. არ წამოიწყოთ ახალი საქმეები. მოერიდეთ ვაჭრობას, ურთიერთობის გარჩევას. ცუდი დღეა საქმეების გარჩევისთვის. შესაძლოა, სამუდამოდ დაკარგოთ ადამიანი. არასასურველია სამსახურის, საქმიანობის შეცვლა. კარგი დღეა შორეული მგზავრობის დასაწყებად. აქტიურად დაისვენეთ, ივარჯიშეთ. შეასრულეთ საოჯახო საქმეები, გადააადგილეთ ავეჯი, კარგია მუშაობა მიწასთან. ქორწინება და ნიშნობა სხვა დღისთვის გადადეთ. კარგი დღეა ორგანიზმის გასაწმენდად, წიდებისგან გათავისუფლება. ალკოჰოლსა და სასმელს დღეს საერთოდ ნუ მიიღებთ. აგრეთვე მოერიდეთ კუჭის გადატვირთვას.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
სოფელში გარდაცვლილი პატარძლის აჩრდილი დადის
23:07 / 29-09-2013
რაჭის ულამაზესი სოფელი ზემო ბარი ზღვის დონიდან 1200 მეტრზე მდებარეობს. სოფელში ბევრი ეკლესიაა, მაგრამ მოსახლეობის სიმრავლით არ გამოირჩევა. ამბობენ, რომ უცნაური მოვლენების მხრივ რაჭა-ლეჩხუმი გამორჩეული მხარეა. სოფელში, რომლის შესახებაც ახლა უნდა გიამბოთ, პატარძლის აჩრდილს ხედავენ. ადგილობრივების თქმით, პატარძალს თეთრი საქორწინო კაბა აცვია და სოფლის გზებზე ხშირად ჩნდება. უფროსების გადმოცემით, სოფელში ახალგაზრდა გოგონა გარიგებით გაათხოვეს მამაკაცზე, რომელიც არ უყვარდა, პატარძალმა კი ქორწილის დღეს თავი მოიკლა, ამიტომაც ვარაუდობენ, რომ სოფლის გზაზე სწორედ ამ პატარძალის აჩრდილი დადის.
თაკო ენუქიძე: - რაჭაში ბავშვობის შემდეგ არ ვყოფილვარ. წელს მეგობართან ერთად სოფელ ზემო ბარს ვესტუმრე. ულამაზესი სოფელია, რაჭის ბოლოში მდებარეობს და, როგორც იტყვიან, იმის იქეთ მამალი აღარ ყივის. რაჭაში, მოგეხსენებათ, ხშირად ხდება უცნაური მოვლენები, ხან აჩრდილებს ხედავენ, ხან ჭინკები მოდიან და ა.შ. ამიტომ აქ არავის უკვირს მათი არსებობის. იქ, ერთი მოხუცი კაცი გავიცანი, რომელიც თურმე ჭინკებმა გაიტაცეს, ტყეში წაიყვანეს და გათენებამდე გარმონზე აკვრევინებდნენ. დილით კი აღარც გარმონი ჰქონდა და ჭინკებიც გაქრნენ. მეორე მოხუცი მეზობლისგან შევიტყვე, რომ სოფელში ღამით ხშირად დადის აჩრდილი, რომელსაც საქორწინო კაბა აცვია. მოსახლეობა ამ აჩრდილს უკვე შეჩვეულია, რადგან წლებია ასე ხდება.
- წინასწარ არაფერი იცოდით ამ უცნაური მოვლენების შესახებ?
- ზამთარში, ჩემს მეგობარს, ვის სახლშიც ვისვენებდით, მეზობელმა დაურეკა და უთხრა, რომ მისი სახლიდან თეთრი არსებები გამოფრინდნენ, რომლებიც არ იყვნენ პეპლები, უფრო ბურთების ფორმა ჰქონდათ. ამბობენ, რომ ასეთი ფორმა ადამიანის სულს აქვსო, მაგრამ დაზუსტებით ვერაფერს ვიტყვი. ბუნებრივია, როცა ღამდებოდა, განსაკუთრებით მაშინ გვეშინოდა.
- რისი გეშინოდათ? რამე დაინახეთ?
- ჩვენ არაფერი დაგვინახავს, მაგრამ მეზობლებმა ისეთი ისტორიები გვიამბეს, რთულია არ შეშინდე. სახლი, სადაც ვისვენებდით, მრავალი წლის წინ სამ დას ეკუთვნოდა, რომლებიც მოსახლეობისგან განცალკევებით ცხოვრობდნენ, არავის არ ეკონტაქტებოდნენ. არავინ იცის, იმ დების სიცოცხლე როგორ დასრულდა. მას შემდეგ ამ სახლში ბევრმა თაობამ იცხოვრა და მემკვიდრეობით ჩემს მეგობარს გადაეცა. პატარა ხის სახლია, რომელიც არავინ იცის, მომავალ წელს იქნება თუ არა, სიძველის გამო შეიძლება მალე დაინგრეს.
კიდევ ერთ შემთხვევას გავიხსენებ: მრავალძალში მივდიოდით მეგობრები ღამით, გზაზე შევისვენეთ, ვიგრძენი, რომ ჩემ უკან რაღაც იდგა და უცნაური ხმა ჰქონდა, თითქოს სისინებდა ან წვიმდა, ზუსტად ვერ გადმოვცემ, რა ხმა იყო. ძალიან შემეშინდა, მაგრამ არც წვიმა იყო და არც არავინ იდგა, ტყის პირას ვიდექით და შეიძლება ტყიდან მოდიოდა უცნაური ხმები, ვერაფერს გეტყვით.
- სახლის პატრონს არ შეუნიშნავს უცნაური მოვლენები ამ სახლში?
- სახლის პატრონი იქ არ ცხოვრობს, იშვიათად, მხოლოდ ზაფხულობით ჩადის. აზრი არ აქვს არც იმ სახლის კურთხევას, იმიტომ, რომ, როგორც ამბობენ, მთელ სოფელში დადის მოჩვენება და ხდება უცნაური მოვლენები. უნიკალურ ადგილზე მდებარეობს ზემო ბარი, სულ ტყეშია ჩაფლული, ზამთარში დათვები ჩამოდიან სოფელში და ვაშლებს ჭამენ. მისტიკური ადგილია და მოხუცებს არც უკვირთ, რაც აქ ხდება. თურმე ადრე უფრო ხშირი იყო ასეთი მოვლენები, სამწუხაროდ, ამ ყველაფრის თვითმხილველები ახლა ძალიან მოხუცები არიან და ბევრი რამ აღარ ახსოვთ.
თამარ ბოჭორიშვილი
ყოველკვირეული გაზეთი "ყველა სიახლე"
(გამოდის ოთხშაბათობით)
მკითხველის კომენტარები /
2 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ხანგრძლივი ზრდის შემდეგ, თბილისში პარკირების ჯარიმები შემცირდა, თანაც თითქმის 60%-ით
კვირის კითხვადი სტატიები
მნიშვნელოვანი ინფორმაცია
მკითხველის რჩევით
მთელი ბავშვობა ბარში გავატარე, მაგრამ იქ უცნაური
არაფერი მინახავს.
chemo kargo mec rachveli var onidan da bevrjer gamigia rogor achumeben ertmanets rom eseti tema ar gavardes radganac aravis uxaria roca saqme exeba paranormalur movlenebs mitumetes axalgazrda patardzlis suls es yvelaze dznelia yvelastvis amitom xmas ar igeben da arian wynarad magram bevria vinc idzaxis da mainc saubrobs