მნიშვნელოვანი ინფორმაცია
4
მაისიდღის ზოგადი ასტროლოგიური პროგნოზი
კვირა, მთვარის მერვე დღე დაიწყება 11:21-ზე, მთვარე ლომშია
ახალი საქმეების დასაწყებად ნეიტრალური დღეა. დიდ დროსა და ენერგიას ითხოვს ადრე დაწყებული საქმეები. მნიშვნელოვანი გადაწყვეტილებების მიღება სხვა დღისთვის გადადეთ. კარგი დღეა უძრავ ქონებასთან დაკავშირებული საქმეების მოსაგვარებლად. კარგია მივლინების, მოგზაურობის დასაწყებად. ხშირად იმოძრავეთ, გადააადგილეთ ავეჯი, განაახლეთ ინტერიერი. სხვა დღისთვის გადადეთ ქორწინება და ნიშნობა. მოერიდეთ კუჭის გადატვირთვას, მოწევას, სმას. უმჯობესდება ფსიქოემოციური ფონი. ადამიანი უფრო ხალისიანი ხდება. კარგად გამოიძინეთ, მიიღეთ მზის აბაზანები და დიდხანს ისეირნეთ.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
როგორ ამზადებენ პატიმრები აკრძალულ ნივთებს
00:07 / 29-09-2013
რამდენიმე დღის წინ სასჯელაღსრულების, პრობაციისა და იურიდიული დახმარების საკითხთა მინისტრმა სოზარ სუბარმა ჟურნალისტებს სასჯელაღსრულების დაწესებულებებიდან 2012 წლის პირველი ოქტომბრიდან დღემდე ამოღებული ნივთები წარუდგინა. მათ შორის იყო ხელნაკეთი დანები, მობილური ტელეფონები, ციხეში დამზადებული ალკოჰოლური სასმელები, ე.წ. ბრაგა, კუსტარულად დამზადებული ტატუს აპარატი, მადუღარები, ბანქო და სხვ. თუ როგორ მზადდება სასჯელაღსრულების დაწესებულებებში აკრძალული ნივთები თუ ნივთიერებები, ციხის ყოფილი თანამშრომელი ლადო ბედუკაძე გვიამბობს:
- "ბრაგა" სპეციფიკური მჟავე სუნით გამოირჩევა. საკნის შემოწმება-დათვალიერებისას ასეთი სუნის გამო მისი პოვნა არ გაჭირდება. ამ სასმელს ღვინოზე მეტი გრადუსი აქვს. სასმელი მზადდება შაქრით, ხილის წვენით (ტომატითაც), პურით. მთავარი კი საფუარია. როგორც ამბობენ, სისტემაში ბაჩო ახალაიას მოსვლამდე პატიმრებიდან დიდი რაოდენობით იღებდნენ ამ ნივთიერებას. მაგ. 700-1000-კაციან დაწესებულებაში დღეში შეიძლება დამზადებულიყო 100-დან 300 ლიტრამდე "ბრაგა". ახალაიას რეჟიმის დამყარების შემდეგ ციხეში მისი "წარმოება" მოისპო, თუმცა მაინც იყო შემთხვევები. პატიმრები სასმელს ისეთ ადგილებში მალავდნენ, ბადრაგებს მათი პოვნა უჭირდათ, მაგ. ბოთლებს უნიტაზშიც კიდებდნენ. ხშირად ამას არც მალავდნენ - ოფიციალურად იყო შეთანხმებული საპყრობილის დირექტორთან და მიდიოდა ვაჭრობა.
- აკრძალულ ნივთებს კუსტარულად როგორ ამზადებენ ციხეში?
- დანის გაკეთება ადვილია. მაგალითად, ამისათვის შეიძლება აიღო საწოლის რკინის ნაწილი, გააპრიალო ქვაზე, ანუ ალესო, მერე მას ახვევენ იზოლაციას და გამოდის დანა. ყავის მადუღარა ციხეში დაშვებულია. მის დამზადებასაც დიდი არაფერი სჭირდება - გაყვანილობიდან მოხსნი ორ მავთულს, პლუს-მინუსს გააკეთებ.
- ხომ არ გაიხსენებდით რაიმე უჩვეულო შემთხვევებს, რომლებიც პატიმრების მოხერხებულობაზე მეტყველებს?
- ხშირად პატიმრების ფანტაზია ძალზე შორს მიდის. თუნდაც კბილის პასტაში რაღაც ნივთიერების შერევით შეგიძლია მოხსნა ფანჯარაზე დამაგრებული გისოსები. ქანჩი რომ სჭირდება და ვერ უშვებ, იმას თითებით მოხსნი. შეიძლება კარი ისე გააღო და გამოხვიდე, ინსტრუმენტიც არ იხმარო. 2002 წელს ქსნის მე-7 დაწესებულებიდან პატიმარი გაიქცა. მგონი, გვარად მოსულიშვილი იყო. იცით, როგორ გაიქცა? პატიმარი იჯდა კარცერში, საიდანაც ოთხი საგუშაგო უნდა გამოევლო. კარცერს, სადაც ის იყო მოთავსებული, ედო კლიტე და პლუს ამას, საკეტი "კატანკა" მავთულით იყო გადახლართული, ამასთან, იქაურობას თანამშრომლები იცავდნენ. მოსულიშვილმა გააღო კლიტე, მავთულიც მოხსნა, გამოიარა საგუშაგოები, გააღწია ტერიტორიიდან და ბოლოს, 2 კმ. მოშორებით დაიჭირეს. დაიჭირეს ციხის თანამშრომლებიც, გაქცევაში ალბათ თქვენ შეუწყეთ ხელიო, არადა, პატიმარს მათთან არანაირი შეთანხმება არ ჰქონია. ზოგიერთი ასეთი მოხერხებულია. მერე რა, რომ პატიმარია, როცა ადამიანს 20 წელი აქვს მისჯილი, ყველაფერს გააკეთებს იმისათვის, თავს რომ უშველოს.
ცნობისთვის: ფლორიდის ციხის ზედამხედველებმა პატიმარ ნილ ლანსინგის სწორი ნაწლავის დათვალიერებისას უცნაური ნივთები აღმოაჩინეს: ოქსიკოდონის 17 აბი, ერთი სიგარა, ექვსი ასანთი, შპრიცი ნემსით (რეზინაში გახვეული), სანთებელა, კოლოფი ტუჩების საცხით, ერთი პრეზერვატივი და ერთი რეცეპტი.
ყოველკვირეული გაზეთი "ყველა სიახლე"
(გამოდის ოთხშაბათობით)
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ხანგრძლივი ზრდის შემდეგ, თბილისში პარკირების ჯარიმები შემცირდა, თანაც თითქმის 60%-ით
კვირის კითხვადი სტატიები
მნიშვნელოვანი ინფორმაცია
მკითხველის რჩევით
