მნიშვნელოვანი ინფორმაცია
25
მარტიდღის ზოგადი ასტროლოგიური პროგნოზი
ოთხშაბათი, მთვარის ოცდამეშვიდე დღე დაიწყება 06:43-ზე, მთვარე თევზებში გადავა 23:28-ზე
კარგი დღეა ახალი საქმეების დასაწყებად. შანსი მოგეცემათ მოაგვაროთ ძველი პრობლემები. კარგი დღეა ბიზნესისა და სავაჭრო საქმეებისთვის; უფროს თაობასთან ურთიერთობისთვის, მათგან რჩევის მიღება. ურთიერთობის, საქმეების გარჩევას არ გირჩევთ. კარგი დღეა საქმიანობის, სამუშაო ადგილის შესაცვლელად. კარგია მოგზაურობის დაწყება. მცირე ფიზიკური დატვირთვა არ გაწყენთ, კარგი დღეა საოჯახო საქმეების შესასრულებლად. მოერიდეთ დიდი რაოდენობით სითხის, განსაკუთრებით ალკოჰოლის მიღებას. გაუფრთხილდით ფეხებს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
საქართველოზე უზომოდ შეყვარებული ამერიკელი
00:00 / 21-09-2013
ალბერტ ქვრეიფაუ ამერიკაში, კალიფორნიის შტატში ცხოვრობს. მართალია, კომუნიკაციების ფაკულტეტი აქვს დამთავრებული, მაგრამ მისი ძირითადი საქმიანობა, როგორც თავად ამბობს, სახლების შეღებვა გახლავთ. გარდა ამისა, ე.წ. "ფლექსის" პროგრამით, ამერიკაში ჩასული მოსწავლეების კოორდინატორია. საქართველოს დიდი გულშემატკივრის "ფეისბუკის" გვერდზე უამრავ ქართველს აღმოაჩენთ; ასევე, იქაურობა აჭრელებულია ფოტოებით, რომლებზეც საქართველოს ღირსშესანიშნაობებია აღბეჭდილი. ჩვენს ქვეყანაზე შეყვარებული ამერიკელი ცოტა ხნის წინ, მეუღლესთან ერთად ეწვია საქართველოს.
- პირველად როდის შეიტყვეთ საქართველოს შესახებ?
- 2010-2011 წლებში, ჩემმა ოჯახმა ერთი წლით უმასპინძლა მარიკა ღვამიჩავას. ის ფოთიდან გახლავთ. მისი დამსახურებაა, საქართველო რომ გავიცანი და ასე შევიყვარე.
- ქართველი სტუდენტები სხვა ქვეყნის მოსწავლეებისგან რით განსხვავდებოდნენ?
- მე ვიყავი გაცვლითი პროგრამის - "ფლექსის" კოორდინატორი და წლების განმავლობაში ქართველ სტუდენტებს ვმასპინძლობდი. მარიკა ღვამიჩავა, რომელიც წეღან ვახსენე, ამერიკის უმაღლესი სკოლის ერთ-ერთი გამორჩეული მოსწავლე გახლდათ. მან წლის განმავლობაში უმაღლესი შეფასებების საფუძველზე საპატიო ჯილდო მიიღო. მეტყველებაში გამართულ შეჯიბრებაშიც გაიმარჯვა. აქტიურად იყო ჩართული ჩვენს საზოგადოებრივ საქმიანობაში და მუშაობდა ადგილობრივ ეკლესიაში, სადაც პერსონალს სადილების მომზადებაში ეხმარებოდა, უსახლკაროები რომ დაეპურებინათ. მინდა აღვნიშნო, რომ ყველა ქართველი მოსწავლე მისნაირი ქველმოქმედია. სკოლის დირექტორები თქვენს ახალგაზრდებს ძალიან აქებდნენ. ისინი ყოველთვის საუკეთესოები და წარმატებულები არიან თანატოლებს შორის. ქართველებმა ბევრი ამერიკელი მეგობარი შეიძინეს, რომლებთან ურთიერთობასაც დღემდე აგრძელებენ.
- "ფეისბუკზე" შევნიშნე, ძალიან ბევრი ქართველი გყავთ დამეგობრებული და საქართველოს მისამართით თბილ სიტყვებსაც არ იშურებთ. რით დაიმსახურა ჩვენმა ქვეყანამ თქვენი ასეთი სიყვარული?
- მართლაც, საქართველოში ბევრი მეგობარი მყავს და ამისთვის "ფლექსის" გაცვლით პროგრამას უნდა ვუმადლოდე. მარიკას მასპინძლობის შემდეგ, ხშირად მიკავშირდებოდნენ ქართველები. თქვენ ყველაზე თბილი, კეთილი და სტუმართმოყვარე ხალხი ხართ. ბევრ ქართველს უყვარს ამერიკა და ჩვენთან ჩამოსვლის სურვილიც აქვთ. ქართველებს უხარიათ, რომ საქართველო უზომოდ შემიყვარდა; ისიც უხარიათ, რომ ქართულ ენას ვსწავლობ. არც ერთ სხვა ქვეყნის წარმომადგენელთან ასეთი თბილი ურთიერთობა არ მქონია. ქართველები ყოველთვის მეპატიჟებიან თავიანთ ქალაქებში, უნდათ, რომ გამიმასპინძლდნენ...
- ცოტა ხნის წინ, საქართველოს ეწვიეთ. ყველაზე დიდი შთაბეჭდილება თქვენზე რამ მოახდინა?
- მე და ჩემმა მეუღლემ საქართველოში 3 კვირა გავატარეთ და შევხვდით გაცვლით პროგრამაში მონაწილე მოსწავლეებს. საოცრად ემოციური შეხვედრა გვქონდა. მათთან ერთად დავათვალიერეთ საქართველოს ყველა კუთხე. თქვენს ქვეყანაში ჩასვლისთანავე, ძალიან გემრიელი საჭმელებით გვიმასპინძლდებოდნენ და თავიანთ სახლებში ოთახსაც გვთავაზობდნენ. გამაოცა ქართველების სტუმართმოყვარეობამ. არ იშურებდნენ საქებარ სიტყვებს და გვითხრეს: იმედია, საქართველოს კვლავ ეწვევითო.
- მოგვიყევით თქვენი საქმიანობისა და ოჯახის შესახებ.
- ამერიკაში ჩემი ძირითადი საქმიანობა სახლების შეღებვაა. მეუღლე - კეტრინი ამერიკის გეოლოგიურ გამოკვლევებში, ქიმიკოსად მუშაობს. დეივისის უნივერსიტეტის მაგისტრია, გარემოს ტოქსიკოლოგიაში. მე კალიფორნიის უნივერსიტეტში, კომუნიკაციების ფაკულტეტი მაქვს დამთავრებული და უკვე იცით, რომ გაცვლითი პროგრამების კოორდინატორი ვარ. საკრამენტოში, კალიფორნიის დედაქალაქში ვცხოვრობთ. ჩვენს ქალაქში პომიდვრის ქარხნებია და დიდი მოსავალი მოდის. მე და ჩემი მეუღლე აქტიურად ვართ ჩართული მეთოდისტური (ინგლისელი პროტესტანტების ერთ-ერთი მიმდინარეობა) ეკლესიის ცხოვრებაში და ვგალობ კიდეც. კეტრინი მკერავების კლუბშიცაა გაწევრებული. მე და ჩემს მეუღლეს ძალიან გვიყვარს ვარდები და ეზოში უამრავი ჯიშის ვარდი გვაქვს. ყვავილების კონკურსებშიც ვმონაწილეობთ და ხშირად ვიმარჯვებთ კიდეც.
ჟანა გოგინაშვილი
(გამოდის ხუთშაბათობით)
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
უძრავი ქონება საქართველოში: ეკონომიკაზე გავლენა, ტენდენციები და პროგნოზები
კვირის კითხვადი სტატიები
მნიშვნელოვანი ინფორმაცია
მკითხველის რჩევით
