7
აპრილიდღის ზოგადი ასტროლოგიური პროგნოზი
"პროკრედიტ ბანკმა" ბათუმში ახალი ფილიალი გახსნა.
"პროკრედიტ ბანკმა" ბათუმში მუშაობა მისი საქართველოში მოღვაწეობის პირველივე ეტაპზე დაიწყო და ამ დროისთვის მისი 5 ფილიალი 25 000-ზე მეტ კლიენტს ემსახურება.
ამჯერად "პროკრედიტ ბანკის" ბათუმის ფილიალი ახალ შენობაში გადავიდა. თანამედროვე დიზაინითა და მაღალი სტანდარტებით მოწყობილი 3-სართულიანი, 1000 კვ.მ ფართის ენერგოეფექტური შენობა კლიენტების მომსახურების სრულფასოვან შესაძლებლობას იძლევა.
ბანკმა შენობა ორი წლის წინ შეიძინა და ჯამში 5 მილიონ ლარამდე ინვესტიცია განახორციელა.
ბანკის ახალი კონცეფციის მიხედვით, დაგეგმილი სივრცე, სადაც 60-მდე თანამშრომელი იმუშავებს, ოპტიმალურად არის გათვლილი ყველა სეგმენტის კლიენტის ინტერესებზე. როგორც ფიზიკური, ასევე იურიდიული პირები მრავალფეროვან საბანკო მომსახურებას ერთ ოპერატორთან, სწრაფად და კომფორტულ გარემოში მიიღებენ. სხვადასხვა ტიპის შეხვედრების ოთახები, გამორჩეული თანამედროვე დიზაინის ელემენტებით, მაქსიმალურად მორგებულია კლიენტების მოთხოვნებზე და კვალიფიციური კონსულტაციებისა და მომსახურების გაწევის საშუალებას იძლევა.
აღსანიშნავია ის ფაქტი, რომ ახალ ფილიალში თავს მოიყრის ყველა ის ბიზნეს კლიენტთა მრჩეველი, რომლებიც მთელი რეგიონის ბიზნეს კლიენტებს ემსახურებოდნენ, შესაბამისად, ერთ ფილიალში ვიზიტისას ყველანაირი საჭირო ოპერაციის განხორციელებით მომხმარებელი მნიშვნელოვნად დაზოგავს დროს.
ფილიალში ასევე მოქმედებს საბანკო ტექნოლოგიებით აღჭურვილი თვითმომსახურების ზონა, რაც კლიენტებს შესაძლებლობას აძლევს კვირაში 7 დღე, 24 საათის განმავლობაში ისარგებლონ სხვადასხვა დისტანციური არხებითა და საბანკო სერვისებით.
რა? სად? რა ფასად?
გაიგეთ "რადიო მარკეტში"
ყოველ სამუშაო დღეს 10:50 და 11:50 საათზე
რადიო "პალიტრის" ეთერში - FM 103.9
