მნიშვნელოვანი ინფორმაცია
15
აპრილიდღის ზოგადი ასტროლოგიური პროგნოზი
სამშაბათი, მთვარის მეთვრამეტე დღე დაიწყება 00:09-ზე, მთვარე მორიელშია
არ წამოიწყოთ ახალი საქმეები, სასამართლო პროცესები. არ გირჩევთ ვაჭრობას, უძრავ ქონებასთან დაკავშირებული საკითხების მოგვარებას. კარგი დღეა შემოქმედებითი საქმიანობისთვის. ურთიერთობისას აკონტროლეთ ემოციები. კამათი დაუშვებელია. კარგი დღეა მოგზაურობისთვის, ხანგრძლივი მგზავრობისთვის. დაისვენეთ, მაგრამ ნაკლები იძინეთ. მოერიდეთ ქორწინებასა და ჯვრისწერას. გაამდიდრეთ თქვენი რაციონი თხილითა და მცენარეული ზეთით. სიგარეტის რაოდენობა და ალკოჰოლის დოზა შეამცირეთ. დაუშვებელია ქირურგიული ოპერაციის ჩატარება სასქესო ორგანოებზე, მსხვილ ნაწლავზე, შარდის ბუშტზე.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
თავხედი მძღოლები
23:14 / 14-09-2013
თბილისში ტრანსპორტის მოძრაობის პრობლემა მანქანების რაოდენობის ზრდასთან ერთად მატულობს. ამ საქმეს ვერც საგზაო ინფრასტრუქტურის მეტ-ნაკლებად მოწესრიგებამ უშველა და ვერც შსს-ს მიერ თბილისის ქუჩებში სისწრაფის განმსაზღვრელი რადარების დამონტაჟებამ.
"თბილისს რომ თავხედი მძღოლები ჰყავს, ასეთი არსად მინახავს. ეს ავტობუსები ხომ დაჩანჩალებენ, სამარშრუტო ტაქსების სითავხედემ კი უკვე ყოველგვარ ზღვარს გადააჭარბა, ისე მოულოდნელად გაგიჩერებენ წინ და გაყურყუტებენ, სანამ მგზავრი არ ჩამოვა ან არ ავა, რომ ერთი სული გაქვს, გადმოხვიდე და ჭკუა ასწავლო. თან მგზავრების დატაცებაზე არიან და ერთმანეთის გასწრებაში გზებზე სერიოზულ საფრთხეს ქმნიან. ამ სამარშრუტო ტაქსებმა ნევროზი გაგვიჩინა მძღოლებს, არ ვიცი, ამას რა ეშველება", - ამბობს თბილისში მცხოვრები კახა ბერუაშვილი.
სამარშრუტო ტაქსის მძღოლები კი ასე სულაც არ ფიქრობენ: "თბილისში იმდენი სამარშრუტო ტაქსია, რამდენიმე თუ ცუდად დადის, ეს ბევრს არაფერს ნიშნავს, იმათ კი, ვისაც ჩვენი ნელა მოძრაობა აწუხებს, განვუმარტავ: ჩვენ გვაქვს ფულადი გეგმა, რომელიც უნდა შევასრულოთ, ამიტომ, როცა მგზავრთა ნაკლებობაა, ვცდილობთ, ნელა ვიმოძრაოთ. ავტობუსებისგან განსხვავებით, სადაც მგზავრი ხელს დაგვიქნევს, იქ ვაჩერებთ. თუ ესეც პრობლემაა, მაშინ დააწესონ გაჩერებები და ხალხიც გაჩერებაზე დაგველოდება. ჩვენზე რომ ამდენს ლაპარაკობენ, მსუბუქი მანქანები რა, ჩვენზე უკეთ მოძრაობენ? - ამბობს #75 სამარშრუტო ტაქსის მძღოლი.
ექსპერტი ლავრენტი ალანია თბილისში არსებულ სატრანსპორტო ქაოსს მარეგულირებელი კანონების არარსებობით და მართვის მოწმობის გამარტივებული გაცემით ხსნის:
"რადარების დამონტაჟებამ ავტოავარიები კი შეამცირა, მაგრამ თბილისში მოძრაობის პრობლემას მარტო რადარები რომ ვერ უშველიდა, თავიდანვე ვიცოდი. უნდა გავითვალისწინოთ, რომ მართვის მოწმობები ასე მარტივად არ უნდა გაიცემოდეს. ელემენტარულ გამოცდებს ჩააბარებენ და მანქანის მართვის უფლება აქვთ. არადა, კატეგორიების მიხედვით უნდა იყოს დაწესებული დამატებითი გამოცდები, მხოლოდ ეს მოგვცემს უსაფრთხო მგზავრობის გარანტიას.
როგორ შეიძლება, მიკროავტობუსის და მსუბუქი ავტომობილის მძღოლებმა ერთი და იგივე გამოცდა გაიარონ? ავტობუსის მძღოლისთვის გამოცდა უფრო გართულებული უნდა იყოს, რადგან მას მეტი პასუხისმგებლობა აკისრია. სამარშრუტო ტაქსების მძღოლები ბევრს სცოდავენ, მაგრამ პასუხს არავინ სთხოვს. სადაც უნდათ, იქ აჩერებენ, ვინმემ ხომ უნდა დაუწესოს, სად გააჩერონ ტაქსი და სად არა? მაგალითად, ავტობანზე ხომ არ აჩერებენ, რადგან იქ ამის საშუალება არ არის? უნდა დაუწესონ და დაუხაზონ გაჩერებები, არ შეიძლება, ასე ყოველ ნაბიჯზე აჩერებდნენ მანქანას. წესით, ავტობუსმა და სამარშრუტო ტაქსებმა პირველ ხაზზე უნდა იარონ, მაგრამ ჩვენთან ხომ ამ მხრივ ქაოსია! ვინ როგორ და რა მარშრუტით დადის, ღმერთმა უწყის, ამის რეგულირებას კანონი სჭირდება".
მოამზადა მაკა ქობალიამ
ყოველკვირეული გაზეთი "ყველა სიახლე"
(გამოდის ოთხშაბათობით)
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რა მოხდა "ტიტანიკის“ ჩაძირვის ღამეს სინამდვილეში
კვირის კითხვადი სტატიები
მნიშვნელოვანი ინფორმაცია
მკითხველის რჩევით
და არა მარტო ყვითლებო! ტაქსის მძღოლებსაც ეხება ეს: თქვენ ყოველდღე დადიხართ ყველანაირი კანონდარღვევით. რატომ გიკვირთ? მოძრაობის წესები თქვენთვის არაფერს წარმოადგენს, არც ზოლში სიარული გეხებათ, არც სიჩქარის შეზღუდვა, გზის დათმობაზე ხომ ზედმეტია საუბარი, დადიხართ მარცცხენა ზოლში და წინასწარ არ ითვალისწინებთ რომ მგზავრები ამ ზოლში არ გელოდებიან. შთაბეჭდილება იქმნება რომ საშუალო ელემენტარული განათლება არ გაქვთ მიღებული. ( ამ ბოლო ფრაზისთვის მე თვითონაც მეუხერხულება, მაგრამ სხვას ვერ იტყვის კაცი, ასე და რა ვქნა)