მნიშვნელოვანი ინფორმაცია
31
მარტიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
გოკა გაბაშვილი - ბიძინა ივანიშვილის განცხადება ევრაზიული კავშირის შესახებ, კატასტროფულია
05:54 / 04-09-2013
საპარლამენტო უმცირესობის ერთ-ერთი ლიდერი, გოკა გაბაშვილი ევრაზიულ კავშირში საქართველოს გაწევრიანების პერსპექტივასთან დაკავშირებით ბიძინა ივანიშვილის განცხადებას "კატასტროფულს" უწოდებს.
"პრემიერ-მინისტრის რანგში ისეთი ტიპის განცხადებების გაკეთება, როგორიც ბიძინა ივანიშვილმა დღეს გააკეთა, არის საქართველოს ინტერესების დამაზიანებელი; ვგულისხმობ განცხადებას ევრაზიული კავშირის შესახებ. მან თქვა, რომ საქართველოს მთავრობა სწავლობს ამ შესაძლებლობას და თუ ქვეყნისთვის კარგი იქნება, რატომაც არა. ესაა კატასტროფული განცხადება პრემიერ-მინისტრის რანგში, რადგან საქართველოს მოსახლეობამ რეფერენდუმზე ხმათა უმრავლესობით განაცხადა, რომ ჩვენი ქვეყანა უნდა გახდეს ნატო-ს წევრი. პუტინის მიერ შექმნილ პროექტში გაწევრიანების თეორიულად დაშვებაც კი არის კატასტროფა და სრულიად გადახვევა საქართველოს მიერ არჩეული გზიდან", - განაცხადა გოკა გაბაშვილმა პარლამენტის დღევანდელ პლენარულ სხდომაზე.
მისივე განმარტებით, იმედი აქვს, რომ პრემიერმა იცრუა და სინამდვილეში საქართველოს მთავრობა აღნიშნულ კავშირში გაწევრიანების შესაძლებლობას არ სწავლობს.
"როცა ბატონი ბიძინა იქნება თავისუფალი ექსპერტი, მას შეუძლია ევრაზიული კავშირის და პუტინის სხვა პროექტების შესახებ თავისი აზრი გამოთქვას, მაგრამ სანამ ის პრემიერ-მინისტრია, მოვუწოდებთ, ბევრად უფრო ყურადღებით და პასუხისმგებლობით მოეკიდოს თავის გამონათქვამებს. მე იმედი მაქვს, რომ პრემიერმა მოიტყუა, საქართველოს მთავრობა არ სწავლობს ამ შესაძლებლობას და ეს იყო რუსეთთან კეკლუცობის მორიგი რაუნდი და არა სერიოზული პოლიტიკური განზრახვა", - აღნიშნა გაბაშვილმა.
გარდა ამისა, დეპუტატმა ბიძინა ივანიშვილის პოლიტიკიდან შესაძლო წასვლის საკითხზეც ისაუბრა და განაცხადა, რომ ამით ის ვალდებულებებს გაურბის.
"მან თქვა, რომ ხალხს ის არ აურჩევია პროგრამისა და ხედვისთვის, არამედ საზოგადოება ემოციურად მოიქცა და ურჩევნია, რომ იყოს თავისუფალი და არ ჰქონდეს ვალდებულებები, მაგრამ მიუხედავად იმისა, რომ მას ასე ურჩევნია, ეს ვალდებულებები არსებობს, ის იარსებებს და არსად წავა. ეს ვალდებულებები არის დაპირებული დასაქმება, ახალი საწარმოები, ეს ვალდებულებაა 250 ლარამდე გაზრდილი პენსია, უფასო ჯანდაცვა და განათლება, ტარიფების განახევრება და ა.შ. დღეს საუბარი იმაზე, რომ პრემიერს ურჩევნია ეს ვალდებულებები აღარ ჰქონდეს, ნამდვილად უპასუხისმგებლობაა", - განაცხადა დეპუტატმა.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები: რა ხდებოდა 2 ძლიერი მიწისძვრის დროს მიანმარში? - დაღუპულთა რაოდენობა 1 000-ს გასცდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
