თელავში სტალინის ძეგლს საღებავები შეასხეს
თელავში გუშინ ღამით სტალინის ძეგლს საღებავები შეასხეს. როგორც "ინტერპრესნიუსის" რეგიონული კორესპონდენტი იუწყება, სტალინის ძეგლის აღმართვის საწინააღმდეგო აქცია "ფეისბუქით" დაიგეგმა.
სტალინის ძეგლი, მეორე მსოფლიო ომის მემორიალთან საერთაშორისო ორგანიზაცია "სტალინელისა" და ვეტერანთა კავშირის ორგანიზებით თელავში გუშინ გაიხსნა. მონუმენტი ვეტერანებმა საზეიმო ვითარებაში გახსნეს და გვირგვინებით შეამკეს.
ამასთან, თელავში სტალინის ძეგლის გახსნას, თელავის მუნიციპალიტეტის საკრებულოს თავმჯდომარე გამოეხმაურა.
როგორც დიმა ბოჭორიძემ "ინტერპრესნიუსს" განუცხადა, ძეგლის დადგმაზე საკრებულოს ნებართვა არ გაუცია, შესაბამისად, ის, შესაძლოა, დემონტაჟს დაექვემდებაროს.
თელავის მაჟორიტარი დეპუტატის, გელა სამხარაულის ინფორმაციით კი, სტალინის ძეგლი თელავში რამდენიმე წელია დგას, ის სარესტავრაციოდ იყო აღებული და გუშინ დააბრუნეს.
ქართველი ჟურნალისტის და ამერიკელი დიპლომატის ქორწილი ვაშინგტონში - "ძალიან ბედნიერები ვართ, რომ ვიპოვეთ ერთმანეთი"
უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"
