მნიშვნელოვანი ინფორმაცია
8
აპრილიდღის ზოგადი ასტროლოგიური პროგნოზი
სამშაბათი, მთვარის მეთერთმეტე დღე დაიწყება 15:02-ზე, მთვარე ქალწულში გადავა 17:43-ზე
დაასრულეთ ძველი საქმეები, ახლების დაწყებას ნუ იჩქარებთ. გადაწყვეტილებების მიღებისას მეტი დაფიქრება გმართებთ. მოერიდეთ ფინანსური საკითხების მოგვარებას. ცუდი დღეა ვაჭრობისათვის. საქმეებისა და ურთიერთობის გარჩევა სხვა დღისთვის გადადეთ. კარგი დღეა შემოქმედებითი საქმიანობისთვის. შეძლებისდაგვარად მოერიდეთ მჭრელი და მჩხვლეტავი ნივთების გამოყენებას. პური შეგიძლიათ დატეხოთ. კარგი დღეა ხანგრძლივი მოგზაურობის დასაწყებად. საცხოვრებელი ადგილის, სამსახურის, საქმიანობის შესაცვლელად; ნიშნობისა და ქორწინებისათვის. მოერიდეთ გულის გადაღლას, შესაძლოა შეგაწუხოთ რადიკულიტმა. ნუ იშიმშილებთ, მაგრამ ნურც კუჭს გადატვირთავთ. მოერიდეთ რთულად გადასამუშავებელი საკვების მიღებას.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ნაომი კემპბელი, კეიტ მოსი და ლინდა ევანჯელისტა კარიერის პირველ ნაბიჯებს იხსენებენ
00:34 / 28-08-2013
სუპერმოდელები ნაომი კემპბელი, კეიტ მოსი და ლინდა ევანჯელისტა მსოფლიომ 90-იან წლებში გაიცნო და მას შემდეგ სამოდელო ბიზნესის დიდების მწვერვალს არ ტოვებენ. ჟურნალმა Interview Magazine-მ მათთან ინტერვიუ ჩაწერა. ვარსკვლავები სამოდელო ბიზნესში გატარებულ წლებსა და კარიერის პირველ ეტაპებს იხსენებენ.
ყველაზე ექცენტრული სუპერმოდელი, 43 წლის ნაომი კემპბელი კარიერის მანძილზე მსოფლიოს სრულყოფილი ტანითა და ყოველდღიური სკანდალებით აოცებს. მისი სიმაღლე 175 სანტიმეტრია, ხოლო პარამეტრები: 86-61-86. "შავ ავაზას" მოდის სფეროში დასაქმებული ნებისმიერი ახალგაზრდა მოდელი დღემდე უფრთხის. ფოტოგრაფები ხშირად ამბობენ, რომ ნაომის მსგავსი სრულყოფილი პროპორციების მქონე გოგონა საუკუნეში მხოლოდ 1 იბადება.
"როდესაც მოდელობა დავიწყე, კასტინგის რეჟისორები და სტილისტები არ არსებობდნენ. ეს ყველაფერი დიზაინერის საქმე იყო. დიზაინერებთან ძალიან ახლოს ვიყავით. დღეს ეს კავშირი ახალგაზრდა მოდელებსა და დიზაინერებს შორის არ არსებობს. გოგონები კოსტუმებს ირგებენ და ზოგჯერ ჩვენებაზე ეცნობიან ადამიანს, რომლის შექმნილი სამოსიც საზოგადოებას უნდა შესთავაზონ. ჩემს წარმატებას დედას, მეგობარ იმანსა და ჩემი ცხოვრების ყველაზე ღირსეულ მამაკაცს ჯანი ვერსაჩეს ვუმადლი. რომელ ქვეყანაშიც არ უნდა ვიყო, ყოველი წლის 15 ივლისს, ჯანის გარდაცვალების დღეს ეკლესიაში მივდივარ და სანთელს ვანთებ", - განაცხადა ვარსკვლავმა.
39 წლის კეიტ მოსის თქმით, მისი სიმაღლის გამო კულისებში არავინ იჯერებდა, რომ მოდელია. კეიტის სიმაღლე 170 სანტიმეტრია; პარამეტრები - 86-66-90.
"ჯონ გალიანოს შოუში, პარიზში მოდის კვირეულზე გასვლა მინდოდა. გოგონები შეარჩიეს. ვიზაჟისტმა, სტეფან მარაისმა მკითხა, რას ვაკეთებდი ოთახში. დილის 10 საათიდან სკამზე ვიჯექი და ყურადღება არავინ მომაქცია. ორგანიზატორებს ჩემი პროექტში ჩართვა არ სურდათ", - იხსენებს კეიტი.
48 წლის ლინდა ევანჯელისტა, რომლის სიმაღლე 175 სანტიმეტრია, ხოლო პარამეტრები: 86-61-89, აცხადებს, რომ ფოტოსესიაზე 16 წლის ასაკში სრულიად გაშიშვლება მოსთხოვეს.
"გოგონები ფიქრობენ, მოდელობა მხოლოდ ფოტოსესიები, მოდის კვირეულები და ინტერვიუებია. დამიჯერეთ, ამ ბიზნესში რკინის ნერვებია საჭირო. 16 წლის ასაკში იაპონურმა სამოდელო სააგენტომ ამირჩია. საშინელება იყო - ფოტოსესიაზე სრულიად გაშიშვლება და თამამად პოზირება მომთხოვეს. მახსოვს, კანადის საელჩო ჩაერია და სამშობლოში დამაბრუნა. გულახდილად გეტყვით, თავიდან ვფიქრობდი, რომ მოდელად ფულის გამო ვმუშაობდი, ვერასდროს წარმოვიდგენდი, რომ წარმატებული სუპერმოდელი გავხდებოდი და "ვერსაჩე" და "ვოგი" როდესმე ჩემი გადაბირების გამო ომს გააჩაღებდნენ", - ამბობს ლინდა.
მომზადებულია Interview Magazine-ს მიხედვით.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ქარიშხალი ამერიკის შეერთებულ შტატებში - უცხოური მედიების ცნობით, სტიქიურ მოვლენას, სულ მცირე, 24 ადამიანის სიცოცხლე ემსხვერპლა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
