კორეელი რეპერი PSY გამოუსწორებელი ლოთია

სამხრეთ კორეელი რეპერი PSY (პაკ ჩე საი), რომელიც პოპულარული სიმღერის Gangnam Style-ის ავტორია, გამოუსწორებელი ლოთია. ამის შესახებ რეპერმა Sunday Times-თან ისაუბრა. მომღერლის თქმით, ალკოჰოლური სასმელი უკვე დიდი ხანია მისი საუკეთესო მეგობარია.

"თუ კარგად ვარ, ვსვამ, თუ ცუდად ვარ, მაშინაც ვსვამ. თუ წვიმს, ვსვამ, თუ მზე ანათებს, მაშინაც ვსვამ", - განუცხადა რეპერმა გაზეთს, - ჟურნალისტების შეკითვაზე, რა შემთხვევაში არ სვამს, PSY-მ ასე უპასუხა: "ეს მაშინ, როცა ნაბახუსევი ვარ. ეს კი საკმაოდ ხშირად ხდება".

მუსიკოსის თქმით, მისი უსაყვარლესი სასმელი კორეული არაყია. ის მას საუკეთესო მეგობარსა და "ცოდვის პარტნიორს" უწოდებს. PSY არასდროს ამბობს უარს "ჭიქა ვისკიზე, ტეკილასა და ყველაფერზე, რასაც წააწყდება".

კორეელის თქმით, ალკოჰოლი თანდათან მასზე სრულ კონტროლს აწესებს და ცოტა ხანში შესაძლოა, სასმელზე საერთოდ უარის თქმა მოუხდეს.

გარდა ამისა, PSY-მ გაზეთთან საუბარში აღნიშნა, რომ სხვადასხვა დროს პროდუსერები მას პლასტიკური ოპერაციის გაკეთებას ურჩევდნენ, თუმცა მომღერალმა სხეულის ხელოვნურ მოდიფიკაციაზე უარი განაცხადა. როგორც თავად აცხადებს, შესანიშნავად გრძნობს თავს და მსოფლიოს დაუმტკიცა, რომ პოპულარობის მოსაპოვებლად მოდელის გარეგნობა საჭირო სულაც არა არის.

ამ დროისთვის ვიდეორგოლ Gangnam Style-ს ინტერნეტში 3 მლრდ-ზე მეტი ნახვა აქვს.

მომზადებულია Sunday Times-ის მიხედვით.