მნიშვნელოვანი ინფორმაცია
3
აპრილიდღის ზოგადი ასტროლოგიური პროგნოზი
ხუთშაბათი, მთვარის მეექვსე დღე დაიწყება 08:28-ზე, მთვარე ტყუპშია
მოაგვარეთ წვრილ-წვრილი საქმეები. სერიოზულები სხვა დროისთვის გადადეთ. კარგი დღეა კოლექტიური მუშაობისთვის, ბიზნესისთვის. მოაგვარეთ ფინანსური საკითხები. თუ არ გეჩქარებათ, უძრავ ქონებასთან დაკავშირებული საკითხები სხვა დღისთვის გადადეთ. ნეიტრალური დღეა ვაჭრობისა და სასამართლო საქმეებისთვის. კარგი დღეა სწავლისა და გამოცდების ჩასაბარებლად; ურთიერთობის გარჩევისათვის. ნეიტრალურია სამსახურის, საქმიანობის, საცხოვრებლის შეცვლა. კარგი დღეა ქორწინების, ნიშნობისა და სექსუალურისთვის. დაღლილობას სუფთა ჰაერზე გასეირნება, მსუბუქი ვარჯიში მოგიხსნით. მსუბუქად იკვებეთ.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
მიხეილ სააკაშვილი - ნავალნის თაღლითობის ბრალდებით გასამართლება რუსეთის ცინიზმის კლასიკური გამოვლინებაა
06:21 / 19-07-2013
პრეზიდენტი მიხეილ სააკაშვილი "ფეისბუქის" ოფიციალურ გვერდზე რუსეთის ოპოზიციის ლიდერისა და მოსკოვის მერობის ერთ-ერთი კანდიდატის, ალექსეი ნავალნის დაკავებას ეხმაურება.
"საქართველოს პრეზიდენტის განცხადება ცნობილი რუსი სამოქალაქო აქტივისტის, ალექსეი ნავალნის დაპატიმრების გამო
დღეს, რუსეთის სასამართლოს გადაწყვეტილებით, ალექსეი ნავალნი თაღლითობის ბრალდებით დააკავეს. პუტინის რეჟიმის მიერ კორუფციასთან და თაღლითობასთან მთავარი მებრძოლის თაღლითობის ბრალდებით გასამართლება დღევანდელი ოფიციალური რუსეთის ცინიზმის კლასიკური გამოვლინებაა, თუმცა ეს არათუ ვერ ჩაკლავს რუსი ხალხის ბრძოლას თავისუფლებისთვის, არამედ - კიდევ უფრო გაამძაფრებს მას.
დარწმუნებული ვარ, რომ სულ მალე თავად რუსი ხალხი, განსაკუთრებით კი თანამედროვე პირობებში გაზრდილი ახალი თაობა, ფუნდამენტურ ცვლილებებს მიაღწევს და რუსეთი რეგიონში არასტაბილურობისა და აგრესიის ფაქტორიდან თავისუფალ ქვეყნად და მეზობლებისთვის სასურველ პარტნიორად გარდაიქმნება.
რუსეთის დღევანდელი არადემოკრატიული მმართველობა, ქვეყნის შინ თუ გარეთ შანტაჟისა და დაშინების მეთოდების გამოყენება ის ძირითადი ფაქტორებია, რაც ხელს უშლის არა მხოლოდ რუსეთის განვითარებას, არამედ ანგრევს ნდობას რუსეთის მიმართ და რუსეთს უკიდურესად არაკომფორტულ პარტნიორად აქცევს.
დარწმუნებული ვარ, რომ თავისუფალი და დემოკრატიული რუსეთი სასურველი პარტნიორი იქნება როგორც მრავალრიცხოვანი მეზობლებისთვის, ასევე - მთლიანად საერთაშორისო საზოგადოებისთვის. ასეთ რუსეთთან ურთიერთობას მეზობლები თავს კი არ აარიდებენ, არამედ - დიდი ენთუზიაზმით ითანამშრომლებენ მასთან, დაამყარებენ მჭიდრო პოლიტიკურ, ეკონომიკურ და ადამიანურ კავშირებს და საუკეთესო კეთილმეზობლურ ურთიერთობაში ჩაებმებიან.
კიდევ ერთხელ, დიდ შეშფოთებას გამოვხატავ ცნობილი რუსი სამოქალაქო აქტივისტის უსამართლო დაპატიმრების გამო და გამოვთქვამ რწმენას, რომ ხალხის ძალისხმევით საბოლოოდ მაინც თავისუფლება და პროგრესი იზეიმებს როგორც რუსეთში, ასევე - მთლიანად ჩვენს დიდ რეგიონში", - წერს პრეზიდენტი.
გუშინ მოსკოვის მერობის ერთ-ერთ კანდიდატს და ოპოზიციის ერთ-ერთ ლიდერს, ალექსეი ნავალნის სასამართლომ 5-წლიანი პატიმრობა შეუფარდა, თუმცა დღეს ნავალნი, პეტრე ოფიცეროვთან ერთად, ქვეყნიდან გაუსვლელობის პირობით გაათავისუფლეს. რუსული მედიის ინფორმაციით, სასამართლომ პროკურატურის შუამდგომლობა დააკმაყოფილა. ექსპერტების განცხადებით, პატიმრობის შესახებ გადაწყვეტილებიდან მეორე დღეს გათავისუფლება რუსეთის სასამართლო სისტემაში უნიკალური მოვლენაა.
დაცვის მხარემ პროკურატურის შუამდგომლობას მხარი დაუჭირა.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
მიანმარში მიწისძვრის შედეგად დაღუპულთა რაოდენობა 2 886-ს აღწევს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
