ჰიუ ჯეკმანი:" რომანტიკაში მთავარი მოულოდნელობაა!"

მსახიობმა ჰიუ ჯეკმანმა ჟურნალ Good Housekeeping-ის ვრცელი ინტერვიუ მისცა. გამოცემასთან ვარსკვლავმა ურთიერთობებზე, რომანტიკასა და ბედნიერ ქორწინებაზე ისაუბრა. შეგახსენებთ, რომ ჰიუ უკვე 15 წელზე მეტია მსახიობ დებორა-ლი ფერნესზეა დაქორწინებული. გთავაზობთ ამონარიდს ინტერვიუდან. 

რომანტიკა

"ურთიერთობაში რომანტიკის პირველი და მთავარი წესი ჩემთვის სიურპრიზია. რა თქმა უნდა, ძალიან სასიამოვნო იქნება დებს ყოველ სამშაბათს, ყვავილები მივართვა, მაგრამ იქნება კი ეს რომანტიკული?"

მოულოდნელი ეფექტის შესახებ:

"ჩვენს ცხოვრებაში ძალიან ბევრი რუტინაა. ცოტა ხნის წინ გადაღებებზე ვიყავი და დებს დავურეკე, რათა გამეფრთხილებინა, რომ შინ გვიან დავბრუნდებოდი. სახლში გაცილებით ადრე დავბრუნდი და ძალიან გაუკვირდა. შევუკვეთე მაგიდა ჩვენს საყვარელ რესტორანში, სკოლიდან ბავშვების დაბრუნებამდე კიდევ 3 საათი იყო დარჩენილი. ეს შეუდარებელი იყო."

განშორების შესახებ:

"2 კვირაზე დიდხანს არასდროს ვყოფილვართ ერთამნეთისგან შორს. როდესაც დებორა გავიცანი, უკვე 20 ფილმში ჰქონდა მონაწილეობა მიღებული და იცოდა, როგორი გავლენა შეიძლება იქონიოს განშორებამ ადამიანების ურთიერთობებზე. მაშინ დებმა მითხრა: "სულაც არ მგონია, რომ კოლეგა ქალთან მიღალატებ, მაგრამ ადამიანები ზედმეტად მიეჩვივნენ ცალ-ცალკე ცხოვრებას. ეს მე არ მაწყობს და მოგიწევს ამ პრობლემის გადაჭრა."

იხილეთ ფოტოგალერეა

მომზადებულია Good Housekeeping-ის მიხედვით.