სომხეთში მდებარე ქართულ ტაძარში ფრესკების რესტავრაციას იტალიელები ატარებენ
სომხეთში, ისტორიულად ქართულ ქობერის ტაძარში ფრესკებს რესტავრაციას სამი იტალიელი რესტავრატორი ქალი უტარებს. ამის შესახებ "ინტერპრესნიუსს" ისტორიკოსმა მთვარისა თარხნიშვილმა განუცხადა, რომელიც სომხეთის ტერიტორიაზე არსებული ისტორიული ლორედან ახლახანს დაბრუნდა.
როგორც თარხნიშვილმა განაცხადა, ქობერში ტურისტულ ჯგუფთან ერთად იმყოფებოდა. მისივე თქმით, ქობერის წმინდა გიორგის სახელობის მე-11 საუკუნის ტაძრის მონახულებისას საკურთხეველში არსებული ფრესკების რესტავრაციაზე მხოლოდ სამი იტალიელი ქალბატონი დახვდა.
"მათ საკურთხეველში ფრესკების რესტავრაცია ახალი დაწყებული ჰქონდათ. გვითხრეს, რომ ერევნის უნივერსიტეტის მიწვევით მუშაობდნენ. მათ იციან, რომ ის ქართული ტაძარია", - აღნიშნა მთვარისა თარხნიშვილმა.
მისივე თქმით, ქობერის კომპლექსი რამდენიმე პატარა ტაძრისგან შედგება. იქ არსებულ სამრეკლოზე რესტავრაციას რამდენიმე წელია, სომხური მხარე ახორციელებს.
თარხნიშვილი ამბობს, რომ სამრეკლოზე განხორციელებული სომხური არქიტექტურისთვის დამახასიათებელი ელემენტები შენიშნა.
ქართველი ჟურნალისტის და ამერიკელი დიპლომატის ქორწილი ვაშინგტონში - "ძალიან ბედნიერები ვართ, რომ ვიპოვეთ ერთმანეთი"
უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"
