მნიშვნელოვანი ინფორმაცია
2
აპრილიდღის ზოგადი ასტროლოგიური პროგნოზი
ოთხშაბათი, მთვარის მეხუთე დღე დაიწყება 07:57-ზე, მთვარე ტყუპშია
მოერიდეთ ახალი საქმეების დაწყებას, მნიშვნელოვანი გადაწყვეტილებების მიღებას. უძრავი ქონების ყიდვა-გაყიდვა სხვა დღისთვის გადადეთ. არ გირჩევთ საქმეების, ურთიერთობის გარჩევას. მშვიდად აკეთეთ თქვენი საქმე. ნუ განიხილავთ ახალ პროექტებს. ივარჯიშეთ.ცუდი დღეა ნიშნობისა და ქორწინებისთვის. მოერიდეთ ცხოველური საკვებს. ნაკლები დრო გაატარეთ უჰაერო ოთახში, მოერიდეთ ე.წ. მოწევის ადგილებს. გაანიავეთ ოთახი. შეამცირეთ დატვირთვა ხელებსა და მხრებზე.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
გოგი გვახარია - ათასობით ბავშვს სცემენ ოჯახში, ურტყამენ ჩვენს თვალწინ და ჩვენ არ გვაქვს ამაზე რეაქცია
07:14 / 21-06-2013
ხელოვნებათმცოდნე გოგი გვახარია "ფეისბუქის" საკუთარ გვერდზე ქართულ საზოგადოებაში სადიზმის წარმოშობის მიზეზებზე საუბრობს და წერს, რომ თუ მათზე ხმამაღლა საუბარს არ დავიწყებთ, ყოველთვის გამოჩნდებიან სადისტები, რომლებსაც ხელისუფლება სათავისოდ გამოიყენებს.
"ეს ძველია ვნებაა, რომელიც, როგორც ჩანს, მშვენივრად გამოიყენა სისტემამ. ჩემი თანაკლასელები დამიდასტურებენ, დაწყებით კლასში, როცა კლასის ხელმძღვანელი გაბრაზდებოდა, ბავშვებს ფეხზე გვაყენებდა, ხელებს გაგვაშლევინებდა ხოლმე და ასეთ პოზაში გვამყოფებდა 45 წუთი. ეს იცოდნენ სკოლაში (პრესტიჟულ 23-ე სკოლაში), ეს იცოდნენ ჩვენმა მშობლებმა, მაგრამ რატომღაც ეს სადიზმად და დანაშაულად არ ითვლებოდა.
ათასობით ბავშვს სცემენ ოჯახში, ურტყამენ ჩვენს თვალწინ და ჩვენ არ გვაქვს ამაზე რეაქცია. და ამაზე ახლა თუ არ დავიწყეთ ლაპარაკი, ყოველთვის გამოჩნდებიან სადისტები, რომელთაც ძალაუფლების შესანარჩუნებლად წარმატებით გამოიყენებენ.
ბრიტანეთში ხელისუფლება არ იყენებს ასეთ ხალხს... ცდილობს უმკურნალოს.
ბრიტანულ სკოლებში დღეს ბავშვი რომ სცემო, აუცილებლად ციხეში ჩაჯდები. ბავშვის დასჯა კრიმინალია, მაგრამ ამას არავინ აქცევს ყურადღებას.
სადიზმის მიმართ საზოგადოების დიდ ნაწილს არ ჰქონდა რეაქცია წლების განმავლობაში და სწორედ ამიტომ იყო უამრავი ადამიანი, რომელიც ემსახურებოდა ხელისუფლებას სადიზმით და ასე იქნება სულ, სანამ სადიზმის მიზეზებზე არ დავიწყებთ ლაპარაკს.
საზოგადოებრივი მორალი არაა სადიზმი. ესაა ავადმყოფობა, რომელსაც იყენებს ხოლმე ტოტალიტარული რეჟიმი.
როცა საკონცენტრაციო ბანაკებზე ვლაპარაკობთ და გერმანიის ისტორიას ვიხსენებთ, უპრიანი იქნება გავიხსენოთ, ვის წამებას (!) უჩვენებდნენ გერმანელებს მეორე მსოფლიო ომის შემდეგ - ყველაზე სუსტების და საზოგადოებისთვის ყველაზე მეტად მიუღებლებისთვის!
ის ჟურნალისტები და ჟურნალისტკები, რომლებიც დღეს თვალზე ხელს იფარებენ, ალბათ, გაიხსენებენ, როგორ ეპყრობიან ისინი მათზე სუსტებს.
როდესაც საუბრობთ, "პანაშვიდის პოზაში" ნუ გაქვთ ხელები, ძვირფასო ჟურნალისტებო, ექსპერტებო. ამით იყიდებით, რომ გეშინიათ იმ ხალხის, ვისაც ელაპარაკებით. ხელების ერთმანეთზე შემოწყობა და "განასკვა" მაინც არ გიშველით. გაშიფრული ამბავია ეგ, ჩამოიღეთ ხელები და ისე იქადაგეთ. თუმცა ჯობია საერთოდ არ იქადაგოთ:)", - წერს გვახარია.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ვლადიმირ პუტინმა სამხედრო სამსახურში საგაზაფხულო გაწვევის შესახებ ბრძანებას ხელი მოაწერა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
