მაჰმუდ აჰმადინეჯადი სასამართლოში დაიბარეს
ირანის პრეზიდენტი, მაჰმუდ აჰმადინეჯადი, რომელიც რამდენიმე თვეში პოსტს დატოვებს, სასამართლოში დაიბარეს.
"ესოშიეითიდ პრესის" ინფორმაციით, აჰმადინეჯადის წინააღმდეგ სასამართლოში სარჩელი პარლამენტის სპიკერმა, ალი ლარიჯანმა შეიტანა.
ირანული მედიის ინფორმაციით, ამ ეტაპზე უცნობია, კონკრეტულად რა საკითხის გამო დაიბარეს მაჰმუდ აჰმადინეჯადი სასამართლოში. თუმცა, ცნობილია მხოლოდ ის, რომ ლარიჯანს სარჩელის შეტანისას პარლამენტის ერთ-ერთი კომიტეტის წევრებიც შეუერთდნენ. სასამართლოს მოსმენა ამ საკითხთან დაკავშირებით ნოემბრისთვის დაინიშნა.
ირანის ექს-პრეზიდენტსა და პარლამენტის სპიკერს შორის დაპირისპირება წლების განმავლობაში გრძელდებოდა.
მაჰმუდ აჰმადინეჯადი, რომელიც რვა წლის განმავლობაში მართავდა ქვეყანას, ირანის პრეზიდენტის პოსტს ოფიციალურად აგვისტოში დატოვებს მას შემდეგ, რაც ირანში გასულ კვირას გამართულ საპრეზიდენტო არჩევნებში გამარჯვებული ჰასან როუჰანის ინაუგურაცია გაიმართება.
მომზადებულია Associated Press-ის მიხედვით.
9 წლის გოგონებს ერთი საათით "ათხოვებენ" - ჟურნალისტებმა ერაყში შემზარავი მასალა გადაიღეს
მოსკოვში ხანძარს 4 ბავშვი ემსხვერპლა - "უყურადღებოდ იყვნენ დარჩენილი, რადგან დედა ან მეზობელთან იყო გასული, ან ნასვამს ეძინა"
