ბათუმის მერი თანამდებობას ტოვებს

ბათუმის მერი ჯემალ ანანიძე თანამდებობას ტოვებს. ჯემალ ანანიძემ თანამდებობიდან გადადგომის მოთხოვნით ბათუმის საკრებულოს განცხადებით დღეს მიმართა.

როგორც "ინტერპრესნიუსს" ბათუმის მერიის პრესსამსახურში განუცხადეს, განცხადებას საკრებულო ბიუროს მომდევნო სხდომაზე განიხილავს.

ჯემალ ანანიძე მედიისთვის განცხადების გაკეთებას 13:00 საათზე ბათუმის მერიის შენობაში აპირებს.

ჯემალ ანანიძე ბათუმის მერად 2012 წლის 4 ოქტომბერს აირჩიეს. ის 2010 წლიდან ბათუმის მერის მოადგილედ მუშაობდა, მანამადე კი, მერიის საფინანსო სამსახურის ხელმძღვანელი იყო.

"ინტერპრესნიუსი"