მნიშვნელოვანი ინფორმაცია
31
მარტიდღის ზოგადი ასტროლოგიური პროგნოზი
სამშაბათი, მთვარის მეოთხე დღე დაიწყება 07:33-ზე, მთვარე კუროშია
კარგი დღეა ახალი საქმეების დასაწყებად. აგრეთვე დაკარგული ნივთების, ადამიანების მოსაძებნად. გააფართოეთ ბიზნესი, დაარეგულირეთ ურთიერთობა ბიზნესპარტნიორებთან. მოაგვარეთ ფინანსური საკითხები. არასასურველია უძრავი ქონებით ვაჭრობა. მოერიდეთ კამათს, საქმეების გარჩევას. კარგი დღეა სწავლისთვის, სამეცნიერო სამუშაოსთვის, გამოცდის ჩაბარება სხვა დღისთვის გადადეთ. ცუდი დღეა მოგზაურობის დასაწყებად, შორ მანძილზე მგზავრობისთვის. შეძლებისდაგვარად მოუარეთ ყვავილებს, დარგეთ ხეები, გაისეირნეთ ბუნებაში. მოერიდეთ ალკოჰოლს, სიგარეტს, კუჭის გადატვირთვას; ოპერაციების ჩატარებას კისერსა და ყელზე. რაციონიდან გამორიცხეთ პროდუქტები, რომლებიც სახამებელსა და ნახშირწყლებს შეიცავს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"სექსი დიდ ქალაქში" 15 წლის გახდა
11:05 / 06-06-2013
სერიალი "სექსი დიდ ქალაქში" 15 წლის გახდა. სწორედ 1998 წლის 6 ივნისს გამოვიდა ტელეეკრანებზე სერიალის პირველი სერია. მიუხედავად იმისა, რომ სერიალი 2004 წელს დასრულდა, დღემდე არ დაუკარგავს აქტუალურობა.
"სექსი დიდ ქალაქში" 4 ნიუ-იორკელი დაქალის ისტორიაზე მოგვითხრობს. სერიალი გაჯერებულია იუმორით და მოდის სიყვარულით. სწორედ ამიტომ, "სექსი დიდი ქალაქშის" დაბადების დღეზე, ფილმის მთავარი გმირის, ქერი ბრედშოუს გარდერობიდან რამდენიმე მოდის გაკვეთილს გავიხსენებთ.
ჩანთა
ჩანთა საერთო იმიჯში ისეთივე მნიშვნელოვანია, როგორც კაბა ან ქვედაბოლო. შეიძლება ის სულაც არ იყოს დიდი, თუმცა აუცილებლად უნდა იქცევდეს ყურადღებას.
მაღალქუსლიანი ფეხსაცმელი
როგორი სამოსიც არ უნდა ეცვას ქერი ბრედშოუს - ქვედაბოლო, ჯინსები, მოკლე შარვლები თუ საცურაო კოსტუმი - მას ფეხზე ყოველთვის მაღალქუსლიანი ფეხსაცმელი აცვია. როგორც ამბობენ, რომ არა სერიალის ეს პერსონაჟი, ძალიან ცოტას თუ ეცოდინებოდა დღეისთვის პოპულარული დიზაინერები Manolo Blahnik და Jimmy Choo. თავად დიზაინერებიც კი აღიარებენ, რომ სარა ჯესიკა პარკერის გმირმა, მათ დიდებული რეკლამა გაუკეთა, რის შემდეგაც ამ ბრენდების პროდუქტი მილიონობით ქალისთვის საყვარელ ფეხსაცმლად იქცა.
ბალეტის სტილის ქვედაბოლო
კაბა, რომელიც ქერი ბრედშოუს ტიტრებში აცვია, ვინტაჟურ მაღაზიაში მხოლოდ 5 დოლარადაა შეძენილი. ასეთი სტილის ქვედაბოლოები საკმაოდ ხშირად გვხვდება სერიალის მთავარი გმირის გარდერობში.
იდეალური სიგრძე
ქერი ბრედშოუმ იცის, რომ კაბის იდეალური სიგრძე მუხლიდან 10 სანტიმეტრით ზემოთ ან ქვემოთ სრულდება. რა თქმა უნდა, პერსონაჟი მოკლე ვარიაციას ანიჭებს უპირატესობას.
ტრიკოტაჟი
მას შემდეგ, რაც ქერი ბრედშოუ სერიალში ტრიკოტაჟით გამოჩნდა, ეს მოდა მალევე აიტაცეს სერიალის ფანებმა, თუმცა აღსანიშნავია, რომ გრძელი წინდები იდეალურად ისეთივე გამხდარ ფეხებს ერგება, როგორიც სარა ჯესიკა პარკერს აქვს.
ბეწვის ქურქი
ქერი ბრედშოუს ბეწვის ქურქი, შეიძლება ითქვას, პერსონაჟის გარდერობის აუცილებელი ნივთია. სწორედ ამიტომ ის სერიალის თითქმის ყველა სეზონში გვხვდება. გამონაკლისი არც სრულმეტრაჟიანი ფილმია.
კულონი
კულონი წარწერით "ქერი" ბრედშოუს პერსონაჟის სავიზიტო ბარათია. მის გარეშე სერიალის მთავარი გმირი იდენტობას კარგავს. ასევე ქერი ხშირად ჩნდება მარგალიტის ყელსაბამით.
ყვავილი
ყვავილი თმებში, კაბაზე, ფეხსაცმელსა და ჩანთაზე. სარა ჯესიკა პარკერის გმირი ყვავილს აქსესუარის სახით ხშირად იყენებს.
ზოლები
ზოლებიანი სამოსი 2013 წელსაც აქტუალურია. ამიტომ თამამად შეიძლება ითქვას, რომ ქერი ბრედშოუს ზოლებიანი სტილი უბერებელია.
ექსპერიმენტები
ქერი ბრედშოუს უყვარს თამამი ექსპერიმენტები. ეს პერსონაჟი შეუხამებელს ახამებს. პოდუიმზე ტრუსებით გამოსვლა, ვარცხნილობაში აქსესუარის სახით ჩამაგრებული ჩიტის ბუმბული, ყველაფერი საუკეთესოს ერთად ჩაცმა - ეს ქერის სტილია.
მომზადებულია spletnik.ru-ს მიხედვით.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები: რა ხდებოდა 2 ძლიერი მიწისძვრის დროს მიანმარში? - დაღუპულთა რაოდენობა 1 000-ს გასცდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
