5
მაისიდღის ზოგადი ასტროლოგიური პროგნოზი
31 წლის მომღერალმა ინტერვიუში იმაზე ისაუბრა, როგორ უნდა დაიცვას ქალმა ბალანსი სამაგალითო ცოლისა და დედის მოვალეობებსა და ფემინისტების სათაყვანებელ არსებას შორის.
ბიონსე რიტმენბლუზის თამამი და სექსუალური ვარსკვლავია. მისი ვნებიანი გამოსვლები არავის ტოვებს გულგრილს. თავისი კარიერა ჯგუფ "დესტინს ჩაილდის" სოლისტად დაიწყო, ახლა კი რა ხანია, სოლომომღერალია და სცენაზე პირველობასაც ინარჩუნებს. გარდა ამისა, რამდენიმე ფილმში ითამაშა, ოჯახური ტანსაცმლის კოლექცია გამოუშვა და ბევრ ცნობილ ბრენდთან კონტრაქტს მოაწერა ხელი. 2010 წელს მეორე ადგილი დაიკავა "ფორბსის" მიერ შედგენილ ყველაზე გავლენიან ცნობილ ადამიანთა ასეულში. მსოფლიოს ერთ-ერთი ყველაზე ცნობილი მუსიკოსია და ყველაზე შემოსავლიან ვარსკვლავებს შორისაც ყოველთვის ლიდერთა პოზიციაზეა.
ბიონსე მრავალი მუსიკალური ჯილდოს მფლობელიც გახლავთ, რეკორდიც დაამყარა "გრემების" რაოდენობით. ამ ყოველივეს შემდეგ მიიჩნევს თუ არა თავს ფემინისტად? "ეს სიტყვა შეიძლება მეტისმეტად ექსტრემალური იყოს... მაგრამ მე მგონია, რომ თანამედროვე ფემინისტი ვარ. მჯერა თანასწორუფლებიანობის. ჩვენ ამისკენ უნდა ვისწრაფოთ. ეს ჯერ არ არის დამკვიდრებული საზოგადოებაში, არადა, პირიქით უნდა იყოს. მაგრამ მე მაინც ბედნიერი ვარ იმით, რომ გავთხოვდი. ბედნიერი ქალი ვარ და მიყვარს ჩემი ქმარი", - აღნიშნა ბიონსემ.
იხილეთ სტატიის სრული ვერსია
