დალაქი, რომელიც ჩახუტების სანაცვლოდ კრეჭს

აშშ-ის შტატ კონექტიკუტში, ჰარტფორდში მცხოვრები 82 წლის ენტონი ქიმერისი 25 წელია უსახლკაროებს უსასყიდლოდ ემსახურება. მათგან ენტონი მხოლოდ ჩახუტებას ითხოვს.

1988 წელს ენტონი სამსახურიდან დაითხოვეს. სილამაზის სალონის დატოვების შემდეგ, ის მხოლოდ ოჯახის წევრებს კრეჭდა, მაგრამ გადაწყვიტა, გაჭირვებულ და უსახლკარო ადამიანებს დახმარებოდა. ბოლო 25 წელია ენტონი ჰარტფორდის პარკებში ზის და კლიენტებს ელის. მის გარშემო ყოველთვის უამრავი მათხოვარია.

"სამწუხაროდ, ადამიანებს შორის ურთიერთობა შეიცვალა. დღეს თუ კარგად არ გამოიყურები, სერიოზულად არავინ შემოგხედავს. მიხარია თუ გაჭირვებული ადამიანის ცხოვრებას ვალამაზებ", - ამბობს ის.

მომზადებულია odditycentral.com-ის მიხედვით.