მნიშვნელოვანი ინფორმაცია
5
მაისიდღის ზოგადი ასტროლოგიური პროგნოზი
ორშაბათი, მთვარის მეცხრე დღე დაიწყება 12:42-ზე, მთვარე ქალწულს ესტუმრება 23:42-ზე
რთული და დაძაბული დღეა. არ მოატყუოთ გარშემო მყოფები და არც თავად მოტყუვდეთ. არ წამოიწყოთ ახალი საქმეები. მოერიდეთ ვაჭრობას, ურთიერთობის გარჩევას. ცუდი დღეა საქმეების გარჩევისთვის. შესაძლოა, სამუდამოდ დაკარგოთ ადამიანი. არასასურველია სამსახურის, საქმიანობის შეცვლა. კარგი დღეა შორეული მგზავრობის დასაწყებად. აქტიურად დაისვენეთ, ივარჯიშეთ. შეასრულეთ საოჯახო საქმეები, გადააადგილეთ ავეჯი, კარგია მუშაობა მიწასთან. ქორწინება და ნიშნობა სხვა დღისთვის გადადეთ. კარგი დღეა ორგანიზმის გასაწმენდად, წიდებისგან გათავისუფლება. ალკოჰოლსა და სასმელს დღეს საერთოდ ნუ მიიღებთ. აგრეთვე მოერიდეთ კუჭის გადატვირთვას.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"მასხრად აგვიგდეს და ამას არავის ვაპატიებთ"
23:18 / 05-05-2013
4 წლის წინ, 2009 წლის 26 აპრილს, თბილისში ენით აუწერელი ტრაგედია დატრიალდა - დილის 5 საათზე სანდრო ეულის ქუჩაზე სამაუწყებლო კომპანია "რუსთავი 2"-ის ხუთსართულიანი შენობის ჩამონგრევას მხვერპლი მოჰყვა.
შენობაში, სადაც სატელევიზიო შოუ "ვარსკვლავების აკადემია" მზადდებოდა, პარალელურად მიმდინარეობდა სარეკონსტრუქციო სამუშაოები. 7-საათიანი ძებნის შემდეგ მაშველებმა ნანგრევებში გიორგი გაბუნიასა და ნიკა გელაშვილის ცხედრები იპოვეს. სარეკონსტრუქციო სამუშაოებს კომპანია "არტიქსი" ასრულებდა და არაოფიციალური ვერსიით, შენობის ნგრევა საყრდენი კედლების გამოცლამ თუ დასუსტებამ გამოიწვია. ნიკა გელაშვილის ოჯახს წუთითაც არ მიუტოვებია ეს საქმე და ამ ოთხი წლის განმავლობაში უსამართლობის კასკადს წააწყდა. ახალი ხელისუფლების პირობებში, ნიკას ოჯახის წევრებმა განცხადებით მიმართეს მთავარ პროკურატურას და საქმის ხელახალი გამოძიებაც დაიწყო.
თეა კახიანი, ნიკა გელაშვილის ქვრივი:
- მას შემდეგ, რაც მივმართეთ პროკურატურას და იუსტიციის სამინისტროს, დაიწყო ხელახალი გამოძიება. იუსტიციის მინისტრთან შეხვედრისას შევთანხმდით, რომ ევროპის სასამართლოდან გამოვიტანდით ჩვენს საქმეს. ვიმედოვნებთ, რომ გამოძიება სწორად წარიმართება და დადგინდება, ვინ არის მომხდარზე პასუხისმგებელი, რა დარღვევები მოხდა და რატომ დატრიალდა ეს ტრაგედია. დადგენილია, რომ "რუსთავი-2", ანუ მესაკუთრე, უნებართვოდ აწარმოებდა სარეკონსტრუქციო სამუშაოებს, რომელსაც სჭირდებოდა მერიის არქიტექტურის სამსახურთან შეთანხმებული პროექტი.
ყველაფერს ვიღონებთ იმისთვის, რომ საქმე ბოლომდე მივიყვანოთ. დაკითხვაზე დაბარებული იყო შპს "არტიქსის" დირექტორი რუსუდან ჩერგოლეიშვილიც, თუმცა ის საქართველოში არ იმყოფება. როგორც ჩანს, მან ოჯახთან ერთად დატოვა ქვეყანა. უშუალოდ ამ ქალბატონის კისერზეა ნიკას და გიორგის სიკვდილი.
სისხლის სამართლის საქმის ძიების პარალელურად, საქალაქო სასამართლოში ადმინისტრაციულ საქმეზეც გვაქვს შეტანილი სარჩელი, რომელიც ერთი წლის განმავლობაში, 1-ელ ოქტომბრამდე თაროზე იდო. 7 თებერვალს მოსამართლე ინგა კვაჭანტირაძემ გამოიტანა გადაწყვეტილება, რომლის მიხედვითაც, პასუხისმგებლობა დაეკისრა "რუსთავი-2"-ს, "არტიქსს", "ჯორჯიან ბილდინგ კორპორეიშენს", მერიის ზედამხედველობის სამსახურსა და მშენებლობის სამუშაოთა მწარმოებელ დავით გვასალიას. თითქმის ყველა მოპასუხეს დაეკისრა პასუხისმგებლობა, რაც ჩვენთვის დიდი მიღწევაა. ადმინისტრაციულ ნაწილში, გარდა პასუხისმგებლობისა, მორალური ზიანის ანაზღაურებასაც ვითხოვდით, მაგრამ ისევ მასხრად აგვიგდეს - მოსამართლემ პასუხისმგებლობა კი დააკისრა მოპასუხე მხარეს, მაგრამ ეს იმაში გამოიხატა, რომ თითოეულმა მოპასუხემ ჩემს შვილს სრულწლოვანებამდე თვეში 100 ლარი უნდა უხადოს. ამ გადაწყვეტილებას სააპელაციოში გავასაჩივრებ. ვის დასცინიან ესენი?! თუ ჰგონიათ, რომ თვეში 100 ლარს გადაიხდიან და ამით დამთავრდება მათი პასუხისმგებლობა, ცდებიან. საინტერესო ისაა, რომ ამ გადაწყვეტილებას ისინიც ასაჩივრებენ, ვინაიდან თავს უდანაშაულოდ მიიჩნევენ და ყველანაირ პასუხისმგებლობას იცილებენ თავიდან. რომ დათანხმდნენ, ეს დანაშაულის აღიარებას ნიშნავს. მუდმივად ვიმეორებდით, რომ ამ ტრაგედიაში მხოლოდ დავით გვასალია არ არის დამნაშავე და პასუხისმგებლობა უნდა გაიზიარონ დანარჩენმა იურიდიულმა თუ ფიზიკურმა პირებმა, რომლებიც ამ საქმეში ფიგურირებენ - "რუსთავი-2"-მა (და მისმა იმჟამინდელმა გენდირექტორმა ირაკლი ჩიქოვანმა), როგორც დამკვეთმა და შემსრულებლებმა: "არტიქსმა", "ჯორჯიან ბილდინგ კომპანიმ" და მერიის ზედამხედველობის სამსახურმა, რომელმაც არაფერი იღონა უკანონო მშენებლობის შესაჩერებლად. ისინი მოქმედებდნენ შეთანხმებულად, ეს იყო აწყობილი მექანიზმი - დამკვეთები, შემსრულებლები და მაკონტროლებლები ერთი გუნდის წარმომადგენლები იყვნენ და საკუთარ თავს ხომ არ დასჯიდნენ. თუნდაც ის, რომ ადმინისტრაციულ საქმეზე რამდენიმე მოპასუხეს ერთი ადვოკატი იცავდა, რაღაცის მანიშნებელია. "რუსთავი-2", რომელმაც 2009 წლის 26 აპრილს დაკარგა მატერიალური ქონება, ორი ადამიანი დაეღუპა და დანარჩენები დაუშავდა, ჰქონდა პროექტი, რომელიც ჩაუვარდა, ნაცვლად იმისა, რომ ყოფილიყო დაზარალებულის სტატუსით, აცხადებს, რომ არავითარი პრეტენზია არ გააჩნია. აქედან შეიძლება დავასკვნათ, რომ ესენი ერთმანეთისკენ ხელს არ გაიშვერენ.
ნანა ფიცხელაური
ყოველკვირეული გაზეთი "ყველა სიახლე"
(გამოდის ოთხშაბათობით)
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ხანგრძლივი ზრდის შემდეგ, თბილისში პარკირების ჯარიმები შემცირდა, თანაც თითქმის 60%-ით
კვირის კითხვადი სტატიები
მნიშვნელოვანი ინფორმაცია
მკითხველის რჩევით
