მილანის სააპელაციო სასამართლომ ცნობილი დიზაინერები დომენიკო დოლჩე და სტეფანო გაბანა გადასახადებისთვის თავის არიდებაში ცნო დამნაშავედ.
იტალიელი მოდელიერების საქმეზე ძიება მრავალი წელი მიმდინარეობდა. გადასახადების გადაუხდელობის ბრალდებას ხან უყენებდნენ, ხან უხსნიდნენ. ბოლოს და ბოლოს დაადგინეს და დოკუმენტურად დაამტკიცეს, რომ ჯერ კიდევ 2004 წლიდან, როდესაც ოფშორულ ლუქსემბურგში შეიქმნა ორი კომპანია - Dolce&Gabbana Luxemburg და Srl Gado Srl, მათი ხელმძღვანელობა გამუდმებით აყალბებდა ფინანსურ ანგარიშებს და საგადასახადო საბუთებს.
სასამართლოში განაცხადეს, რომ სტეფანო და დომენიკო მრავალი წელი აწარმოებდნენ ბინძურ ბიზნესს. როგორც ძიებამ დაადგინა, დიზაინერების მარკით გამოშვებული პროდუქციის გაყიდვებიდან მიღებული შემოსავალი იტალიის გავლით მიედინებოდა. შედეგად, იტალიის საგადასახადო სამსახურმა რამდენიმე მილიონი ევრო ვერ მიიღო. ახლა მოდელიერებს მოუწევთ ჯარიმის გადახდა - 343 მლნ ევროს ოდენობით.
თუმცა მათ ჯერ კიდევ იმედი აქვთ, რომ სასჯელს თავიდან აიცილებენ - აპელაცია შეიტანეს იტალიის უმაღლეს სასამართლოში.
(გამოდის ორშაბათობით)
