მნიშვნელოვანი ინფორმაცია
7
აპრილიდღის ზოგადი ასტროლოგიური პროგნოზი
ორშაბათი, მთვარის მეათე დღე დაიწყება 13:37-ზე, მთვარე ლომშია
თამამად წამოიწყეთ ახალი საქმეები. კარგი დღეა უძრავი ქონების შესაძენად, ფინანსური საკითხების მოსაგვარებლად, ვაჭრობისთვის. ცუდი დღეა კამათისა და სასამართლო საქმეებისთვის. სწავლა და გამოცდების ჩაბარება გაგიადვილდებათ. მოაგვარეთ საოჯახო კონფლიქტები. კარგია ნათესავებთან შეხვედრა და საუბარი. კარგი დღეა უფროსთან შესახვედრად და ახალი პროექტების განსახილველად; საქმიანობის, სამსახურის შესაცვლელად. მოერიდეთ ფიზიკურ დატვირთვას; გულის გადაღლას, ოპერაციებსა გულსა და ზურგზე; შესაძლოა შეგაწუხოთ რადიკულიტმა. უმჯობესდება ფსიქოემოციური ფონი. ადამიანი უფრო ხალისიანი ხდება. კარგი დღეა ქორწინებისა და ნიშნობისათვის.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
კრის ბრაუნი: "როგორც იქნა, მივხვდი, რომ ქალების ცემა არასწორია"
07:30 / 03-04-2013
კრის ბრაუნი იმ სამარცხვინო ინციდენტზე საუბარს, როცა შეყვარებული, მომღერალი, რიანა სცემა, აქამდე გაურბოდა. მაგრამ ამჟამად ცნობილი მომღერალი საკუთარი იმიჯის გამოსწორებას დიდი მონდომებით ცდილობს, ამიტომ მეტ ლოუერის შოუში რიანას ცემის ფაქტზე ისაუბრა.
23 წლის ბრაუნი ამბობს, რომ ალბომზე Fine China მუშაობამ და ცხოვრებამ ბევრი რამ მიახვედრა. "ჩემი აზრით, ახლა იმ ეტაპზე ვარ, როცა უნდა დავამტკიცო, რომ ნამდვილი კაცი ვარ. ვიცი, რაც გავაკეთე, სწორი არ იყო და ამას არასდროს გავიმეორებ. ვგრძნობ რიანას გულს, ის კი - ჩემსას გრძნობს. ნეგატივზე ფოკუსირებული არ ვარ, ჩემთვის ყველაფერში არსებობს დადებითი. ფსიქოლოგთან 52 კვირის განმავლობაში ვიარე და შედეგად, როგორც იქნა, მივხვდი, რომ მაშინ სწორად არ მოვქცეულვარ. ქალების ცემა არ შეიძლება."
კრისს მთელი ამ ხნის განმავლობაში ინციდენტი ახსოვდა. "მახსოვს, ვიჯექი და სულ ვფიქრობდი: "რატომ გავაკეთე ეს?" დახმარება მჭირდებოდა. ჩავიტარე 52-კვირიანი პროგრამა, რამაც შედეგი გამოიღო. პოზიტიურად მივიწევ წინ. ვფიქრობ, მხოლოდ ასე შემიძლია დავამტკიცო, რომ შევიცვალე. დავუმტკიცო საკუთარ თავს, ფანებს, რომლებმაც ყველაზე დიდი მხარდაჭერა გამომიცხადეს."
მართალია, რიანას სიყვარული დაიბრუნა, მაგრამ ხალხის უარყოფითი დამოკიდებულების შეცვლა უფრო რთულია. "რა თქმა უნდა, ყველასთან ვერ მივალ და ვერ ვთხოვ, რომ შემინდონ. ნეგატიურად განწყობილ ადამიანებს აზრს ვერასდროს შეაცვლევინებ".
ბრაუნმა ასევე, აღნიშნა, რომ მას შემდეგ, რაც შეყვარებულზე ხელით გაიწია, იმაშიც ეჭვი ეპარებოდა, რომ რიანა ხმას გასცემდა. "სამუდამოდ მადლიერი ვიქნები" - ამბობს კრისი რიანაზე, რომელმაც ბევრისთვის მოულოდნელად, მას აპატია. "ის ინციდენტი ჩემს ცხოვრებაში ყველაზე ცუდი პერიოდი იყო, რიანა კი საოცარი ადამიანია, მან მაპატია და ამიტომ, მის მიმართ ყოველთვის მადლიერების გრძნობა მექნება."
მან შეყვარებულთან ამჟამინდელ ურთიერთობაზეც ისაუბრა: "ჩვენი ურთიერთობა ბავშვურია. ვცდილობ, ძალიან სერიოზული არ გავხადო, ყოველ საღამოს სანთლების წინ ვახშმობა არ მსურს. ყველაფერი მხიარული და ნამდვილი უნდა იყოს."
მომზადებულია Daily Mail-ის მიხედვით.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
საპროტესტო აქციებზე დაკავებული მომიტინგეების ოჯახის წევრები 8 აპრილს დაგეგმილი დემონსტრაციისთვის ემზადებიან
კვირის კითხვადი სტატიები
მნიშვნელოვანი ინფორმაცია
მკითხველის რჩევით
