4
მაისიდღის ზოგადი ასტროლოგიური პროგნოზი
მსოფლიოში სახელგანთქმული და პოპულარული ლამაზმანების სიას თუ გადავავლებთ თვალს აღმოვაჩენთ, რომ ხშირად ბევრი ლამაზი ქალი სინამდვილეში ძალზე მარტოსული და უბედური იყო; ბრწყინვალე კარიერისა და მასების მხრიდან მათი, ლამის ფეტიშად აღიარების მიუხედავად. ნებისმიერი ამგვარი ინდივიდის პრობლმებს კი პირადი ჰოროსკოპი სცემს პასუხს. ასე მაგალითად, მსოფლიოში აღიარებული ულამაზესი მოდელი - ჯია კარანჯი, რომელიც ადრეულ ასაკში დაიღუპა აივ ინფექციით, თავს გამუდმებით მარტოსულად გრძნობდა. მიუხედავად იმისა, რომ მის გარშემო გამუდმებით ირეოდა თაყვანისმცემლების დიდი არმია. არანაკლებ უბედური იყო მერილინ მონრო - მეოცე საუკუნის სექსსიმბოლო, რომელმაც სამჯერ შექმნა ოჯახი ბედენიერების ძიებაში და ვერც ერთხელ ვერ შესძლო თავი ბედნიერად ეგრძნო. დაულაგებელი პირადი ცხოვრებით იტანჯებოდნენ ასევე ედიტ პიაფი და მადმუაზელ კოკო შანელი. მიუხედავად იმისა, რომ განგებამ მათ მასების მხრიდან აღიარება და საყოველთაო სიყვარული არგუნა წილად.
მოდით, ერთად ვიმსჯელოთ, მაინც რა არის მიზეზი იმისა, როცა ხშირ შემთხვევაში, ერთი შეხედვით ლამაზი, წარმატებული ქალი ვერა და ვერ ახერხებს პირადი ცხოვრების აწყობას.
უმთავრეს აქცენტს, ასეთ სიტუაციაში, ასტროლოგები ქალურობისა და სიყვარულის გამოხატვის უნარზე პასუხისმგებელი პლანეტების რთულ ასპექტაციაზე აკეთებენ. ყველაზე დიდ პრობლემას ამ მხრივ, მთვარე-ვენერას და ვენერა-ნეპტუნის კვადრატი ან ოპოზიცია წარმოადგენს.
მარტივად რომ ვთქვათ, თუკი ეს პლანეტები ადამიანის პირად რუკაში ერთმანეთს "ეომებიან", ქალს გამუდმებით შეეპარება ეჭვი საკუთარ ქალურობაში. მას არასოდეს დააკმაყოფილებს საკუთარი გარეგნობა, მომხიბვლელობა და საპირისპირო სქესთან ურთიერთობისას წარმატების მოპოვების შანსსაც უბრძოლველად გაუშვებს ხელიდან მოტივით: "ჩემზე უკეთესების მეტი რაა". ეს კი იმიტომ ხდება, რომ ამ ორი პლანეტის დაძაბული ასპექტაცია, ფსიქოლოგიურ დისკომფორტს და არასრულფასოვნების კომპლექსს იწვევს. მაგრამ, ფარ-ხმალის დაყრას ნუ იჩქარებთ ძვირფასო ქალბატონებო, თუკი აღმოაჩინეთ რომ მსგავსი პლანეტარული დაპირისპირების მფლობელი ხართ პირად რუკაში.
