სარფში ნაპოვნი გარდაცვლილი მამაკაცი შტორმის დროს ზღვაში დაკარგული მეთევზე აღმოჩნდა
სარფში მეთევზის მიერ ნაპოვნის გარდაცვლილი მამაკაცი 23 მარტს თევზაობისას ზღვაში დაკარგული მეთევზე დავით გელაძე აღმოჩნდა.
როგორც "ინტერპრესნიუსის" კორესპონდენტი იუწყება, ცხედარი, რომელიც დღეს საღამოს მეთევზის ბადეს თევზაობისას ამოჰყვა, სანაპირო დაცვის კატარღამ ბათუმის იახტკლუბში გადაასვენა, სადაც ახლობლებმა დავით გელაძე ამოიცნეს. ამჟამად გარდაცვლილი პროზექტურაშია გადასვენებული და ექსპერტიზა უტარდება.
55 წლის დავით გელაძე 23 მარტს სარფში თევზაობისას ძლიერმა ტალღამ ზღვაში გადააგდო. მისმა თანმხლებმა ორმა პირმა დაადასტურა, რომ თევზაობის დროს ისინი კლდეზე ისხდნენ, საიდანაც მეთევზე ღელვამ გაიტაცა. მას შემდეგ ერთხელ დაინახეს წყლის ზედაპირზე, შემდეგ კი აღარ უნახავთ.
ბამბის რიგში რესტორანი იწვის - ადგილზე 4 სახანძრო მუშაობს
AMBEBI.GE
დამწვარია 200-დან 250 კვ.მ ფართობი - რა ვითარებაა ბაზრობა "თერგის" ტერიტორიაზე
AMBEBI.GE
ძლიერი ხანძარი თბილისში - ბაზრობა "თერგის" მეორე სართულზე ღია ცეცხლია
AMBEBI.GE