31
მარტიდღის ზოგადი ასტროლოგიური პროგნოზი
მოგესალმებით, მეგობრებო, და გიძღვნით გიჟურ სალამს. მე ვარ ბუკლიკო და თქვენს განკარგულებაში ვიქნები უახლოესი გვერდები, ასე რომ, ჩაუჯექით ჩემს რუბრიკას, თუ გსურთ, იმის აზრზე იყოთ, რაც ამქვეყნად ხდება. გათხოვებების ამბებს მოგიყვებით და თან ვულოცავ ნინასა და ანის გაბედნიერებას.
ნინა წკრიალაშვილი უკვე გათხოვილი ქალია. შეყვარებული რომ იყო, ამის შესახებ პირველად "რეიტინგს" გაგვიმხილა, მაგრამ ასე მალე მისი გათხოვების ამბავსაც თუ გავიგებდით, არ გვეგონა. ჟურნალისტებს ეს ინფორმაცია დიდი ხანია გვაქვს, მაგრამ საქმე ისაა, რომ თავად ნინა ერთ-ერთ თოქშოუშია მიწვეული, სადაც დეტალურად უნდა ისაუბროს ამ თემაზე და საკუთარ მეუღლეს იქ წარუდგენს ფართო საზოგადოებას, ამიტომაც მანამდე პრესას არ ეკონტაქტება ამ თემაზე, თუმცა თქვენი ბუკლე რისი ჟურნალისტია, რომ მცირეოდენი დეტალები მაინც არ მოეპოვებინა ამ ქორწინების შესახებ.
მოკლედ, ნინა 17 დეკემბერს დაოჯახდა. მისი რჩეული, როგორც გავიგე, გახლავთ თენგო წივწივაძე, 40 წლის. მუშაობს შინაგან საქმეთა სამინისტროში, თუმცა ვერ გამოვარკვიე, კონკრეტულად რა თანამდებობაზე. ნინას თურმე სექტემბერში ლიტვაში, კალათბურთელების მატჩების დროს გაუცნია და მაშინ დაწყებულა მათი რომანი. ნინას ვერც გაამტყუნებ, რადგან მისი მეუღლე რომ სიმპათიური მამაკაცია, ამას ჩვენ მიერ მოპოვებულ ფოტოზე ნახავთ. როგორც ნინას საახლობლო წრეში ამბობენ, მომღერალი ძალიან ბედნიერია იმით, რომ მზრუნველი და ყურადღებიანი მამაკაცი შეხვდა.
თურმე თენგო წივწივაძე აქამდე არ ყოფილა ოფიციალურად დაოჯახებული, არც ჯვარი ჰქონია დაწერილი და არც ხელი მოწერილი, მაგრამ ოთხი შვილი ჰყოლია და ერთი შვილიშვილიც, ექვსი თვის პატარა. წყვილმა პარიზში გაატარა თაფლობის თვე, გაზაფხულზე კი ჯვრისწერასაც გეგმავენ. ნინა და თენგო უკვე ერთად ცხოვრობენ ნინას შვილ სანდროსთან ერთად, რომელთანაც თურმე ნინას მეუღლეს ძალიან კარგი ურთიერთობა ჰქონია. ნინაც, თავის მხრივ, მეუღლის შვილებს დაუმეგობრდა და მათ ძალიან კარგად მიიღეს.
DJბუკლე
ჟურნალი "რეიტინგი"
(გამოდის ორშაბათობით)
