9
აპრილიდღის ზოგადი ასტროლოგიური პროგნოზი
პოპულარული ამერიკელი მომღერალი ბიონსე, ბრიტანელი შემსრულებელი შერილ კოული და მომღერალი კრეიგ დევიდი ორი ბიტანელის პოტენციურ მსხვერპლთა სიაში აღმოჩნდნენ. ბრიტანელებს მომღერალ ჯოს სტოუნის მკვლელობის მიზნით შეთქმულებაში ედებათ ბრალი.
გამოცემა Telegraph-ი სასამართლოს ინფომაციაზე დაყრდნობით იუწყება, რომ 19 აპრილს სასამართლომ ლონდონში დიდი ბრიტანეთის მაცხოვრებელებს ჯუნიორ ბრედშოუს და კევინ ლივერპულს 25 წლის სოულ-მომღერლის ჯოს სტოუნის მკვლელობის მიზნით შეთქმულებაში ბრალდება წაუყენა.
სკოტლანდ-იარდის თანამშრომლებმა ბრედშოუ და ლივერპული 2011 წლის ივნისში მას შემდეგ დააკავეს, რაც მომღერლის მეზობელმა პოლიციაში დარეკა და განაცხადა, რომ ბრალდებულების საქციელი საეჭვოდ მოეჩვენა.
მათი მანჩესტერის ბინიდან ამოღებულ დღიურებში ცნობილი ადამიანების სახელები იყო მოხსენებული. ბრალდებულები საკუთარ დანაშაულს უარყოფენ. ჩხრეკისას დაკავებულებს სამურაის ხმალი, დანები, საბრძოლო ჩაქუჩი, ხელთათმანები და შავი ტომარა აღმოაჩნდათ.
გარდა ამისა, ბოროტმოქმედების ავტომობილში ჩანაწერები აღმოაჩინეს, რომლებიც ადასტურებდა, რომ ისინი მომღერლისთვის თავის მოჭრას და შემდეგ სხეულის მდინარეში ჩაძირვას აპირებდნენ.
მომზადებულია Telegraph-ის მიხედვით.
