9
აპრილიდღის ზოგადი ასტროლოგიური პროგნოზი
გამოცემა The Daily Beast იმ ცნობილი ადამიანების ძაღლების ფოტოებს აქვეყნებს, ვისაც პატრონებმა სახელი ცნობილი ადამიანებისა თუ გმირების პატივსაცემად შეურჩიეს.
მომღერალმა ტეილორ სვიფტმა თავის ძაღლს სახელი საყვარელი სატელევიზიო შოუს პატივსაცემად შეურჩია და მას "Doctor" (ექიმი) დაარქვა. ხოლო პატარა, ნაცრისფერ კატას მერედითი დაარქვა, თავისი საყვარელი სერიალის "გრეის ანატომიის" გმირის პატივსაცემად.
ამერიკელმა ბიზნეს ლედიმ და სატელევიზიო წამყვანმა მარტა სტიუარტმა საყვარელ ოთხფეხა ცხოველს ერთ-ერთი აზიელი გმირის სახელი დაარქვა; პოპულარული სერიალის "გრეის ანატომიის" მსახიობმა ელენ პომპეომკმა თავის ლეკვს თავისივე დიზაინერის სახელი შეარქვა.
ჰოლივუდის მსახიობმა ჯორჯ კლუნიმ, რომელიც შინაური ცხოველების დიდი სიყვარულით გამოირჩევა და რამდენიმე წლის განმავლობაში შინ გოჭი ჰყავდა, ცოტა ხნის წინ ძაღლი შეიძინა და მას ეინშტაინი დაარქვა.
"კარგა ხანს არ მყოლია ძაღლი, ამიტომ ძალიან მინდოდა მისი ყოლა. თუმცა, უკვე გაწვრთნილი ძაღლის ყოლა მერჩივნა", - განაცხადა მსახიობმა ერთ-ერთ ინტერვიუში.
"გრეის ანატომიის" ვარსკვლავმა ელენ პომპეომ ყავისფერ პუდელს ვალენტინო დაარქვა, საყვარელი დიზაინერის ვალენტინოს პატივსაცემად. თუმცა მსახიობი, რომელის 2013 წელს ხალხის რჩეულის დაჯილდოებაზე საუკეთესო სატელევიზიო მსახიობად დასახელდა, დაჯილდოებაზე ლანვინის კაბით გამოცხადდა და არა - ვალენტინოსი.
ცნობილი სატელევიზიო წამყვანის მარტა სტიუარტის ჩაო-ჩაოს ჯიშის ძაღლი არც მეტი, არც ნაკლები მონღოლთა ლიდერის ჩინგიზ ხანის სეხნიაა. ამერიკელი ბიზნეს ლედი ხშირად უნახავთ ნიუ იორკის მდიდრულ რესტორნებში, სადაც ის "ჩინგიზ ხანთან" ერთად სადილობს, რომელიც ამაყად ზის მაგიდასთან.
ჯენიფერ გარდნერისა და ბენ აფლეკის ოჯახის მეხუთე საპატიო წევრი თეთრი ლაბრადორია, სახელად "მარტა სტიუარტი".
ამერიკელი მსახიობი ჯესიკა ალბა ძაღლების, კერძოდ მოპსის ჯიშის ძაღლების დიდი მოყვარულია. თუმცა, როგორც აღმოჩნდა, "სინ სითის" ვარსკვლავს ძაღლების გარდა, როკ მუსიკაც უყვარს. სწორედ საყვარელი როკ-შემსრულებლების სახელები ჰქვიათ ალბას ძაღლებს - სიდი, ნენსი და ბოუი, დევიდ ბოუის პატივსცემად.
რიზ უიზერსპუნმა თავის ფრანგულ ბულდოგს კოკო შანელი დაარქვა, ინგლისელ ბულდოგს კი საყვარელი მომღერლის ფრენკ სინატრას სახელი უწოდა.
ცნობილი ამერიკელი მსახიობი კეტრინ ჰეილი უზარმაზარ სახლში თავის ორ გოგონასთან და შვიდ ძაღლთან ერთად ცხოვრობს. ძაღლებიდან ერთ-ერთს მსახიობმა შექსპირის გმირის - რომეოს სახელი დაარქვა.
იხილეთ ფოტოგალერეა
მომზადებულია thedailybeast.com-ის მიხედვით.
