30
მარტიდღის ზოგადი ასტროლოგიური პროგნოზი
ეროტიულ ფილმ "ემანუელას" მთავარი როლის შემსრულებელ მსახიობ სილვია კრისტელზე ფილმს გადაიღებენ.
ფილმს დანიელები იღებენ. გადასაღები ჯგუფის კონსულტანტი მსახიობის ერთადერთი ვაჟი არტურ კრისტელი იქნება. ფილმ "სილვია კრისტელი: სურვილის ობიექტი" (Sylvia Kristel: Object of Desire) გამოსვლა 2015 წელსაა დაგეგმილი.
სილვია კრისტელმა მსოფლიო ცნობადობა 1974 წელს, ეროტიული რომანის, "ემანუელას" გამოსვლის შემდეგ მოიპოვა. სურათში კრისტელმა ფრანგი დიპლომატის მეუღლის როლი შეასრულა. სიუჟეტის მიხედვით, მთავარი გმირი ქმართან ბანგკოკში მიემგზავრება, სადაც სხვა მამაკაცთან დაწვება. სსრკ-ში მიუხედავად აკრძალვისა, სურათი დიდი პოპულარობით სარგებლობდა.
სურათის გამოსვლის შემდეგ მსახიობს კინოკარიერაში სირთულეები შეხვდა, მას მხოლოდ ეროტიულ ფილმებში თამაშს სთავაზობდნენ. პირად ცხოვრებასა და კარიერაში სირთულეების გამო კი ნარკოტიკების მოხმარება დაიწო. 2006 წელს კრისტელმა ავტობიოგრაფია "შიშველი" დაწერა, რომელიც კრიტიკოსებმა კარგად მიიღეს.
2012 წელს სილვია კრისტელს ყელისა და ღვიძლის კიბოს დიაგნოზი დაუსვეს. მკურნალობის პროცესში მას ინსულტი დაემართა. მსახიობი 61 წლის ასაკში გარდაიცვალა.
მომზადებულია Screen Daily-ის მიხედვით.
