6
აპრილიდღის ზოგადი ასტროლოგიური პროგნოზი
ბრიტანელი ექიმები იძულებულნი გახდნენ ახალშობილი, ედვარდ აივესი ოთხი დღით "გაეყინათ" იმისთვის, რომ მისი სიცოცხლე გადაერჩინათ.
ჩვილის 29 წლის დედის, კლერის თქმით, ორსულობის მერვე თვეში ექიმებმა მას შეატყობინეს, რომ ბავშვის გული არასწორად ფუნქციონირებდა და მის სიცოცხლეს საფრთხე ემუქრებოდა.
"შემეშინდა, როდესაც სამედიცინო გამოკვლევის შემდეგ სპეციალისტებმა შემატყობინეს, რომ ბავშვის გული წუთში ნაცვლად 160-სა 300-ჯერ ცემდა, დიდი ალბათობით, ედვარდი ტაქიკარდიის იშვიათი ფორმით უნდა დაბადებულიყო",- ამბობს ბრიტანელი ქალი.
ადგილობრივი საავადმყოფოს ექიმები სასწრაფო საკეისრო კვეთას ითხოვდნენ, რასაც კლერი დაუფიქრებლად დათანხმდა.
"ედვარდის დაბადების შემდეგ აღმოვაჩინეთ, რომ ბავშვს სუნთავა უჭირდა, ერთადერთი, რაც მას გადაარჩენდა, ეს მისი სხეულის ტემპერატურის 37-დან 33,3 გრადუს ცელსიუსამდე დაგდება იყო",- აცხადებენ University College London Hospital-ის ექიმები.
"საშინლად განვიცადე, როდესაც ვუყურებდი თუ როგორ "ყინავდნენ" ექიმები ჩემს ბიჭუნას, მაგრამ შესანიშნავად მესმოდა, რომ ეს საჭირო ღონისძიებაა და მას მხოლოდ ეს პროცედურა გადაარჩენდა", - ამბობს კლერი.
ასეთ მდგომარეობაში პატარა ედვარდმა ოთხი დღე გაატარა. ამ დროის განმავლობაში სისხლის მიმოქცევა და ბავშვის ორგანოების მუშაობა სრულად აღდგა.
მომზადებულია lifenews.ru-ს მიხედვით.
